الفنانة والمعالجة النفسية “جينا سليم ” لـ أسرار المشاهير مفيش حاجة مستحيلة ولا متأخرة والجديد في 2019 دور مش منتظر
إعداد/ دعاء سنبل
طموحة تعشق التحدي لاتعترف بفوات الأوان او أن الوقت قد تأخر على تحقيق الحلم ، كانت تحلم بالتمثيل منذ طفولتها لكن الأب اعترض ، لكنها حققت نجاحات كبيرة جداً وحصلت على العديد من الشهادات في مجال علم النفس، وحققت مؤخراً حلمها ودخلت عالم الفن بأدوار مميزة هي دكتورة “جورجيت سافيدس” حصلت على ليسانس الآداب في علم النفس من الجامعة الأمريكية بالقاهرة ، انتقلت إلى جامعة كينجز كوليدج في لندن حيث درست بالمعهد الوطني للطب النفسي ومركز الإدمان لتحصل على ماجستير في علوم الصحة العامة والإدمان، بعدها سافرت إلى الولايات المتحدة للحصول على دكتوراه في تخصص علم النفس الإداري والمهني من جامعة جنوب كاليفورنيا الجنوبية، جورجيت او جينا كما عرفها جمهورها تتحدث 5 لغات هي العربية، اليونانية، الإنجليزية، الفرنسية والإيطالية، بدأت في عالم الفن من خلال عمل ورش لتعليم الأبعاد النفسية الخاصة بشخصيات الأعمال الفنية، وهذا من خلال بناء التفاعل بين الأعمال الفنية وعلم النفس، وقد بدأت نشاطها بمسلسل نصيبي وقسمتك، من بطولة النجوم هاني سلامة، نيكول سابا ودرة ومسلسل 30 يوم للنجوم آسر ياسين، باسل خياط ، ودهلت كممثلة في عالم الفن من خلال 3 أعمال في رمضان الماضي .
ايه الحاجات الحلوة اللي حصلت ل “جينا “في 2018 وايه الحاجة الوحشة واللي متتمنيش تحصلك في 2019؟
الحاجات الحلوة لجينا في 2018 إني دخلت 3 أعمال في مسلسلات رمضان وهم لدينا اقوال اخرى مع النجمة يسرا والرحلة مع باسل خياط وإخراج حسام على ، وعزمي واشجان إخراج إسلام خيري ، ومن الحاجات الحلوة اني جالي حديث مهم جداً على تبكس ام يو وكمان اشتغلت برنامجين وهم قعدة ستات على القاهرة اليوم ، وبرنامج آدم وحواء مع عمرو عبد الحميد في فقرته رأي عام على قناة Ten.
ومن الحاجات الحلوة اللي حصلتلي أني أظهر في مهرجان القاهرة السينمائي ، و دير جيست علشان المسلسل بتاعي أتكرم .
الحاجة اللي محبش أنها تجرالي في 2019 أن انحصر في أدوار معينة ، أو أني أخسر العلاقات الحلوة اللي كونتها في 2018 .
وبتمنى اكمل المسيرة بتاعتي بخطوات ثابتة وصغيرة ، واني افضل عند حسن ظن الناس وتعليقاتهم الحلوة ليه على الأعمال اللي قدمتها في رمضان اللي فات دي اكتر حاجة حبة اخدها معايا في السنة الجديدة .
ايه اللي بتتمنيه في 2019 على الصعيد الشخصي والصعيد الإجتماعي ؟
اتمنى على الصعيد الشخصي الستر والصحة وان ولادي يكونوا بخير ،وبيتي وأهلي بخير ، وعلى المستوى الإجتماعي، إني أكون عند المستوى اللي الناس حطاني فيه ، واني افضل اقدم لهم أعمال عن شخصيات ذو قيمة وشخصيات بوجوه مختلفة تقدر توصلهم رسايل يحسنوا بها من نفسهم سواء من خلال عمل سينمائي أو من خلال البرامج اللي بقدمها أو عن طريق برنامجي على اليوتيوب “جينا شو” .
اهم حاجة بتمناه بجد حب الناس ربنا يديمه عليه ويفضل دايماً موجود.
المزيد من المشاركات
ايه الجديد باذن الله في 2019 بالنسبة للعمل الفني والإجتماعي ؟
الجديد بأذن الله مسلسل في رمضان مقدرش اقول تفاصيله بس هقدم في دور سيدة أرستقراطية ، وفي مسلسل فتحة خير 90 حلقة بعد رمضان ، وفيلم “الطريق للرجوع”مع المخرج خالد المصري ،وفي فيلم بقوم في بتقديم دور شعبي ودي حاجة بعيدة عن المنتظر والمتوقع من الناس ،يارب يكتبلنا الخير ويكون سيزون حلو علينا جميعاً.
“جينا سليم” تحبي تقولي ايه لجمهورك واللي بيحبوكي بمناسبة السنة الجديدة ؟
أحب أقول لجمهوري كل سنة وهما طيبين وفي صحة ومحبة وستر وسلام داخلي ،واتمنى في 2019 يحققوا فيها كل امنياتهم ، واللي نفسه في حاجة وعنده حلم يحققه ويفضل وراه ويتاكد ان مفيش حاجة مستحيلة ولا متأخرة ، ويارب الناس كلها تحقق كل رغباتها .
