الفنان الشاب “محمد رشاد” يبعث رسالة لمتابعيه ويتحدث عن كواليس زفافه الملغي

الفنان محمد رشاد يوجه  رسالة  لمتابعيه، ويتحدث فيها عن كواليس حفل زفاف الذي تم إلغائه ، عبر حسابه الرسمي على موقع  “انستجرام”.

وقال “رشاد”، “أنا شفت شماته في أكتر يوم كنت بستناه مع أكتر بنت حبيتها فعمري كله، وكنت بحسها بنتي وحبيبتي وصحبتي”.

وأضاف، “طبعا من وقت المشكلة اللي حصلت اليوم دا، لحد النهاردة استفدت كتير من اللي حصل حواليا.. أولهم إن ناس كتير ممكن تبين فرحتهم، وهما مش فرحانيين ليك من قلبهم، دا تمثيل.. ووقت المشكلة بيتحول الفرح لتصفية حسابات على حساب أي حد.. تاني حاجة ناس كتير بالذات في مجالي هتبين أنهم أصحابك وبيحبوك وعايزين يفرحوك، ووقت السبق، هتلاقيهم أول ناس بيستغلوا الخبر، عشان محدش يسبقهم، ويبقوا أوائل الناس، حتى لو بكدا بيخوضوا في تفاصيل حياتك الشخصية”.

واختتم حديثه، “فالآخر مش هيفضل غير اللي بيحبك، وبيتمنالك الخيرالناس، وآرائهم مش هيكملوا معاك حياتك بس اللي بيحبك وعايزك معاه هوا بس اللي هيفضل اتمنولنا الخير ولكم المثل يارب”.

وكان الفنان محمد رشاد، قرر إلغاء حفل زفافه على الإعلامية مي حلمي، قبل بدء الحفل بساعتين، لأزمة نشبت بين العروسين، بعد أن أعلن الثنائي ارتباطهما رسميًا، ديسمبر 2017، إذ نشرا صورًا تجمعهما معًا عبر حسابيهما على موقع “إنستجرام”، أعلنا خلالها عن قصة حبهما، وعلّق “رشاد”، قائلا: “وسط كل اللي قابلتهم في سنين حياتي كلها مفيش غيرك خطف قلبي بكل الحب والإخلاص اللي جواكي.. حبينا كل الناس تشاركنا فرحتنا ودعواتكم بالخير”.