السلام عليكم ورحمة اللة وبركاته
الطبق الرئيسى فى سحور رمضان كل سنة وانتم طيبين
الفول المدمس
مقدم من هدى المنسى
مده التحضير ٤ ساعات نقع
مدة الطهى حوالى ٢ ساعه
المقادير
نصف كليو فول بلدى فقط بدون اضافات
الطريقه
اولا هتجيبى الفول ونقيه ونغسله وننقعه من ٤ الى ٥ ساعات
لان النقع اولا بيساعد على السوى
ثانيا الميه اللى بتنزل منه اللى لونها غامقه دى ضاره
ثالا ده اللى بيفتح لونه ويخليكى ما تفتحيش عليه كتير
علشان كتر الفتح عليه وهو بيستوى عامل اساسى فى ان لونه يغمق
انتى بس هتجيبى القدره البيتى اللى عندك ونضع فيها الميه ونغسله كويس من النقع
وتكون الميه مغطياه بكفايه
تغلى وطى النار خالص واحبكى الغطا كويس لمنع الفوران وصدقونى انا عن نفسى طول السنه بعمله كده ما بشتريش فول خالص وبيبقى تحفه جدا
انما الاضافات دى حسب الرغبة مش اساسى
فيه اخوات لينا بيحطو عدس وبصل وطماطم عادى برضه بس دى حريه شخصيه والف الف هنا وشفا عليكم
اما يستوى هتعصرى عليه ليمونه كبيره علشان لونه يبقى حلو واما يبرد عبيه فى اكياس وفى الفريز احفظيها
يلا مستنيا ايه اعملى الفول البيتى النضيف علشان اسرتك الجميله
