القطايف البيتى بمكونات بسيطه مقدمه من إسلام عصفور

مده التحضير حوالى 10 دقائق
مده الطهى حوالى 5دقايق
المكونات
2كوب دقيق
2كوب إلا ربع ماء
2ملعقه كبيره حليب بودره
2ملعقه سميد بسبوسه ناعم (لو موجود )
ملعقه كبيره خميره فوريه
ملعقه كبيره سكر
ملعقه صغيره فانيليا
رشه ملح
الطريقه
نضرب جميع المكونات فى الخلاط جيدا ونضعها فى بوله ونغطيها تخمر حوالى 10دقايق
ونحضر طاسه تيفال ونضعها على النار وناخد من العجين بالمغرفه شويه ونضعها فى الطاسه وتكون سخنه وعلى نار هادئة لما القعر يتحمر والفقاقيع الموجوده على الوجه تختفى نشيلها ونضع غيرها فى الطاسه ولما نخلص الكميه نسيبها مفروده لما تبرد خالص ونحشيها ونقليها ونضعها فى شربات تقيل بارد وهى سخنه
الحشو زى ماتحبو (حشيتها مكسرات مشكله مع جوز الهند )
الشربات
3كوب سكر و2 كوب ماء نضعهم على النار يغلو 5دقايق نضيف عصير ليمونه ويغلى 5دقايق نضيف ملعقه صغيره فانيليا ونطفى عليه ونسيبه يبرد خالص قبل ما نضع فيه القطايف
ملحوظه
لو القطايف هيكون حشوها حادق نشيل من المكونات السكر والفانيليا
رئيس قسم المطبخ أ/ جيهان جعفر