القلب مات.. بقلم/ صبري رسلان.

هفضل أقاوم
من سكات
وأدوس على جرحي 
اللي فات
عاوز ترجع ليه
في عذاب
تفتح في جرح
سنين ما دآب
هفضل أقاومك وأمنعك
مين قال لك
إحكي وأسمعك
إياك تئن بالوجع
ولا تشكي قلبي
إنه إتوجع
أنا كنت هنسى
خلاص وأعود
لدنيتي وأزرع ورود
على قلب مات
وإزاي يعود
أبنى له سد
كمان حدود
وأفضل أقاومه
من سكات
وأكتب على قلبي
إنه مات
دفن معاه ليل ذكريات
إياك يا قلبي يرجعك
ويقول لك
إحكي هسمعك
ما خلاص ما
دوقنا وكان مرار
ورسمنا ضله
وشمسه نار
بأيديه وضاغط عَ الجراح
لا حن قلبه ودقه راح
وفضلت أقاوم من سكات
مستني أيه
القلب مات