القلقاس المصري مقدم من الشيف المتميزة عبيرحافظ

اسم الوصفه : القلقاس المصرى
مقدمه من : عبيرحافظ
مده التحضير40 دقيقه
مده الطهى :ساعه ونصف
المقادير:
القلقاس الكميه اللى تناسبك..وطبعا مقطع مكعبات..ومنقوع فتره ويغسل جيدا من اللزوجه..لحمه ..وطبعا لوضانى تبقى تحفه..ربطتين كبار كسبره خضراء مغسوله ومتقطفه .. 2حبه طماطم مقطعه ..بصله كبيره مقطعه اربع قطع..ورقتين لورى 4فصوص حبهان..توم كتير وفصوص كبيره..شويه زيت مع قطعه زبده كبيره..ملح ..فلفل..رشه كسبره ناعمه.
الطريقه:
كميه من الميه حوالى نصف الحله..هناخد شويه من الكسبره الخضرا ..المتقطفه..وحوالى 5فصوص توم كبار..ونفرمهم مع بعض…ونضعهم فى الميه..مع الطماطم..والبصل..والحبهان واللورى..وشويه من الفلفل الاسود ..ورشه كسبره ناشفه.ونضعهم على النار حتى الغليان..وعند الغليان ..نضيف اللحمه..تغلى عشر دقايق ونهدى النار ..ونتركها حتى تستوى اللحمه..وطبعا لوقلت الميه بنزيد ميه ساخنه..شويه بشويه..ونجهز التقليه..فى طاسه على النارنضع الزيت والزبده..كميه وافيه..وننزل بفصوص التوم الكبيره الاول..ياخدلون بسيط ..وننزل بالكسبره الخضراء مع التقليب المستمر..لحد ما الكسبره نحس بصوتها خرفش..والتوم احمر..ولونها يكون اخضرمش نسيبها تغمق..ونسيبها تهدى شويه..ونضربها فى الخلاط حتى تنعم ونتركها جانبا.
عند نضوج اللحم..نضع القلقاس المغسول..بس يادوب هيغلى..انزل بخليط الكسبره المتحمره..ونضع الملح..ورشه فلفل اسود..وناخد بالنا..ان القلقاس الشتوى بيستوى بسرعه جدا..عشان ماينهرى ..يعنى غلوه واحده ونطفى النار..ويقدم مع الارز الابيض او ارز بالشعريه..وبالف هنا.