الكحك الناعم مقدمه من شيف بنداري زغلول حساسين

كتبت سمسمه سعد

مده التحضير ساعة

مده الطهي ربع ساعة

المكونات

كيلو دقيق ابيض

500جرام سمنة عادية بالإضافة إلى 60 جرام سمنة بلدى عشان الطعم يعنى على كيلو الدقيق 560 جرام سمنة فى الشتاء لو ناعم زيادة
ولكن فى الصيف كيلو الدقيق عليه نصف كيلو سمنة
ممكن نستخدم سمنة عادية أو خليط بلدى مع عادى أو بلدى صافى

50 جرام سكر بودرة
ملعقة صغيرة بيكنج بودر
ملعقة كبيرة خميرة فورية
200 مللى ماء
2ملعقة كبيرة حليب بودرة
ممكن نضيف ريحة كحك أو بدون لأن فيه سمنة بلدى
ذرة ملح صغيرة جدا
الطريقة

أول شئ ندوب الخميرة فى المياة ونتركهم على جنب

ثانيا نخفق السمنة مع السكر لحد ما الخليط يبيض ويبقى كريمى

بعدين نضيف الدقيق مع ذرة الملح والبيكنج بودر والحليب البودرة ونقلب بهدوء جدا
ثم نضيف الماء المذاب فيه الخميرة مرة واحدة ونقلب بهدوء
ممكن نلاقى العجين جامد عادى جدا متخافيش  هو كدا طبيعى
بعد كدا ناخد قطعة بقطعة وناخد  الخطوةاللى جية نخدم العجين كويس على الرخامة زى  عجين الغريبة كدا هتنعم وتطرى وتبقى فلة نقطع منها ونحشى بقى بلاش نكبر الحجم
أنا حشيت ملبن مع مكسرات ونلف ونرص فى الصينية واشتغل بالبصامة بتاع الكحك لو عوزين شكلها أنزله ويروح الفرن على الطول علشان شكل النقشة ميروحش
ممكن يستنى برة ربع ساعة ميروحش الفرن مش اكتر من كدا
الصينية نضعها فى نصف الفرن
ملحوظة لازم نولع الفرن قبل ما ندخل فيه الكحك بفترة
الكحك هيروح الفرن على حرارة 170 وهياخد تقريبا فى الفرن من 20 إلى 25 دقيقة
هيطلع لونه أبيض مائل للاصفرار قليلا زى الصور
بلاش يقعد فى الفرن اكتر من كدا هيفتح ويطلع منه الحشو
الكمية دى هتاخد حشوة نصف كيلو ملبن تقريبا

والف هنا
رئيس قسم المطبخ أ سمسمه سعد

وأ بطوط احمد