الكحل والماسكرا وطرق استخدامهم…
الكحل والماسكرا وطرق استخدامهم…
خبيرة التجميل… مني خلاف
*كثير مننا تواجه مشكلة مع الكحل .. أن قلم الكحل بعد وقت بيسيح .. معظم أقلام الكحل حتي الجيد منها مع الوقت والحركة وطبيعة الجو بيسيح تحت العين.. وللتغلب على المشكلة دي ..
اول حاجة لازم تختاري نوع كحل جيد عشان سلامة عنيكي .. وكمان هيكون اقل عرضه انه يسيل تحت العين .. بعد ما تحطى الكحل اقفلي عليه بخط رفيع من الاي شادو البودر بنفس درجة الكحل او درجة اغمق منه هيمنع أنه يسيح لأطول وقت ممكن ..
*أما لو اتكلمنا عن الاى لاينر أغلبنا بيستخدم الأسود
وهو لون مميز ،لكن متوفر منه الوان كتير مثل البنى والأزرق والأخضر والموف اقدر اختار من بينهم اللى يناسبنى ..
*بالنسبة للماسكر مهم جدا اعرف أزاى أستخدامها لإبراز جمال العين ..وللحصول علي نتيحة جذابه عليكى ان تضعي الماسكرا برفق كالتالي :
اول حاجة وانتى بتسحبي فرشة الماسكرا من العلبة تجنبي انك تدخليها وتطلعيها أكتر من مرة ظنا منك لإخراج قدر وافى من الماسكرا لانها ده بيخرج الهوا من العبوة مما ينتج عنه جفاف الماسكرا .. كمان الكمية الكتير ممكن تكلكع على الرموش .. بعد كده هتمشي بالماسكرا بالعرض على الرموش العلوية لملا الرموش بها ثم التمشيط من أسفل لأعلى مع ثنى الرموش وهى مبتله بالماسكرا للداخل ..
ملحوظة .. أحذري حركة ثنى الرموش بعد جفاف الماسكرا لمنع تقصف وتكسر الرموش ..
ونفس الحركة مع الرموش السفلية ولكن الثنى لأسفل ..
ملحوظة … لو نزل بعض نقط من الماسكرا تحت العين .. أوعي تمسحيها وهى طرية لأنها هتبوظ مكياجك وتسود تحت العين أتركيها تجف ثم أفريكها بقطنة الأذان ..
*نتكلم بقا عن حاحة كل البنات بتسألنى عليها وهى طريقة تركيب الرموش ..
أول حاجة بقيس الرموش على عينى .. لو كانت أعرض من عينى بقص الجزء الزيادة من الطرف الخارجي للرمش ..
بعد كده بأخد نقطة بسيطة من الجلو الخاص للرموش بطرف دبوس طرحة وامشي بالنقطة دي على حرف الرمش بفرده كويس عشان ميكلعش ..
بعد كده بسيبه ٣٠ ثانية عشان ينشف .. دي خطوة مهمة انه ينشف شوية قبل تركيبه ..و بكرر نفس الخطوة مع الرمش التانى ..
وبعد كده بمسكه من المنتصف واركبه على الجفن المتحرك اعلي خط الرموش واضغط عليه برفق مع الرموش الطبيعية.. ولما احس انه لزق خلاص .. بدمجه مع الرموش الطبيعية بالماسكرا برفق ..
