الكنافه بالكريمه مقدمه من شيف غادة مصطفي

كتبت سمسمه سعد

الـــمـــقــادير
نصف كيلو كنافه
كوب سمنه او كوب زبدة مذابة
زبيب و جوزهند حسب الرغبة
مقادير الــكــريــمه
2 كوب حليب كامل الدسم
4 معلقه نشا ( كورن فلاور )
2 معلقه جوز هند اختيارى
2 معلقه سكر
معلقه صغير ماء الورد

السيرب
_ 2 كوب سكر
_1و 1/4 كوب ماء
عصير ليمونه او معلقة عسل جلوكوز
فانيلياا او معلقه ماء زهر
الــطــريـقـة

أولا نعمل الشربات ونتركه يبرد تماما
فى كسروله نضع السكر و عليه الماء و نرفعهم على النار و بعد الغليان  دقيقتين نضيف عصير ليمونه و نتركه يغلى 7 دقائق
و بعدين نطفى عليه و نضيف الفانيليا او معلقه ماء زهر و نتركه جانباا يبرد تماماا و هنلاقيه تقل شويه و هو ده المطلوب يكون سميك نوعاا

نجهز الكريمة

فى كسروله نضيف كوب و نصف حليب و نرفعهم على النار حتى يغلى الحليب و نضيف معلقتين جوز الهند علشان ينزل الريحه فى الحليب و نضيف معلتقتين سكر
و نضيف النشا مع نصف كوب حليب بارد و ندوبهم تماما و نضيفهم للحليب المغلى مع التقليب المستمر بالمعلقه الخشب او مضرب سلك يدوى
و اول ما يغلى هنلاحظ ان القوام بقى سميك شويه عن المعتاد و هو ده المطلوب انها تكون سميكه و قوامها غليظ لكن من غير تكتلات
اول ما تعمل فقاقيع نطفى عليها و نضيف لها معلقه الزبده و نضيف نصف معلقه صغيره ماء زهر و نقلب و نتركها تبرد جانبااً
نجهز الكــنافــه
نضع الكنافه فى الفريزر قبل ما نعملها بــ 6 ساعات على الاقل تجمد علشان سهولة التفتيت
نخرجها من الفريزر على صنيه واسعه و نفتتها جيدا هتتفتت بمنتهى السهوله
و نضيف عليها كوب السمنه السايحه او الزبدة المذابه و نفركها بالكنافه جيداااا حتى تتشرب كل فتفوته فى الكنافه بالسمنه او الزبده
ثم نقسم الكنافه قسمين متساويين بالنظر
فى قاع الصنيه مقاس 28 نضع معلقه سمنه كبيره و نوزعها جيدا
و بعدين نفرد نصف كميه الكنافه و نضغط عليها باليد جااااااامد و تكون متساويه من جميع النواحى و نراعى اننا نعمل حرف مرتفع من الجوانب علشان الكريمه ما تخرجش منها و تتحرق فى الجوانب
نقلب الكريمه كويس نضيفها على الكنافه و نفرد بضهر المعلقه جيدا علشان تكون متساويه من جميع الاتجاهات
انا بعد ما فردت الكريمه وزعت زبيب بيدى طعم يجنن
ثم نفرد النصف التانى من الكنافه فوق الكريمه بالزبيب و نضغط بهدووء و نساوى الوش بقدر الامكان بالنظر تكون متساويه
الــتــســويــة

بــطـــريــقــتــيــن
1 _ انا بفضل التسويه من فوق البوتاجاز لانها طريقه احترافيه اكتر
نضع الصنيه على نار هاديه و اخلى النار فى منتصف الصنيه و اراعى النار تكون هاديه جداااا علشان متتحرقش
و اتركها لمده 5 دقائق و بعدها ابدأ اخلى النار على الحرف بتاع الصنيه و اعلم بزبيبه او اى شىء علشان اعرف الجنب ال استوى و بعدها الف الصنيه للمكان ال بعده و هكذا و هكذا لحد ما اوصل للجنب ال عليه الزبيبه
طيب هنعرف ازاى ان الجنب استوى هنلاحط احمرار الجوانب بلون دهبى حلو يبقى نلف الجنب ال بعدهااا

و بعد كده اهز الصنيه هتتحرك بسهوله و هسمع صوت تحميص الكنافه و ممكن نرفع الحرف بالسكينه او الأسبتيولا نتأكد ان كلها احمرت و بقت تمام
نحضر مقاس اكبر من الصنيه و نكون دهناه بالسمنه او الزبده و نقلب عليه الكنافه و نسوى الوجة التانى بنفس الطريقه و لما اتاكد انها احمرت اطفى النار و اصب عليها الشربات البارد و اغطيها بغطاء محكم علشان البخار ال متصاعد من الكنافه الساخنه و الشربات البارد هو ال هيخليها طريه جدااا و هششششه

الـــطـريــقــه 2
_ نضعها فى فرن ساخن على 180 درجه تحت قريبه من الفرن لمده 15 دقيقه و نقلبها فى صنيه تانيه و نتركها تحمر من الوجة التانى 15 دقيقه اخرى
و لما تخرج من الفرن نسقيها بالشربات البارد و نغطيهاااا علشان تكون طريه
و بالف هـــنـــاو شـــفـــا

رئيس قسم المطبخ أ سمسمه سعد

واسماء عزازي