هالة الزيات تشعل صيف 2025: تعاون مفاجئ لأول مرة مع الكينج محمد منير
صرحت الشاعرة الغنائية هالة الزيات بتصريح خاص لجريده أسرار المشاهير قلب الموازين: وهو تعاونها لأول مرة مع الكينج محمد منير.
كتبت ريهام طارق
الموضوع مش مجرد تعاون عادي، دي خطوة كبيرة، ولقاء فني بين جيلين، كل واحد فيهم له لونه وصوته الخاص. هالة، اللي حجزت مكانها وسط كبار الشعراء بكلماتها الحقيقية والجريئة، قررت تخوض مغامرة جديدة وتكتب للكينج أغنية، بيقول المقربين إنها مختلفة، مجنونة، وحقيقية للدرجة اللي هتزعل ناس وتفرّح ناس أكتر، واكتر ما بيميز التجربة انها من ألحان احمد زعيم.
اقرأ أيضاً: تامر حسني والشامي يشعلان الساحه بـ “ملكة” 3 مليون مشاهدة خلال 24 ساعه فقط
محمد منير من ناحيته، شغال على ألبوم جديد، بيحضّره بعناية كعادته، لكن المختلف المرة دي إنه مع شركة روتانا، وبيشتغل على صوت جديد وطابع موسيقي مش معتاد منه. ووسط أسماء لامعة زي منة القيعي، تامر حسين، مصطفى حدوتة، وكوثر مصطفى، كانت المفاجأة ظهور اسم هالة الزيات ضمن فريق العمل، في خطوة بتقول إن الكينج لسه بيبحث عن المختلف، وبيفتح بابه لأصوات الجيل الجديد اللي عندهم حاجة حقيقية يقولّوها.
اقرأ أيضاً:أحمد سليم يستعد لطرح أحدث أغانيه وتصوير عالمي في المجر بتوقيع بتول عرفه
صيف 2025 شكله هيبقى غير، والساحة مستنية “القنبلة” اللي هتنفجر أول ما الكينج يفتح صوته على كلمات هالة الزيات، والحان زعيم
هل الأغنية دي هتكون علامة فارقة في مسيرة الزيات؟ وهل الجمهور مستعد يسمع منير بطعم جديد وكلمات بعيون الجيل ده؟ كل ده هنعرفه قريب جدًا، بس الواضح إن اللي جاي جامد جدآ
