الله عليك يا صلاح
يا بسمة وسط الألم
يانجم فوق العاده
ف مكانه أصبح علم
رجعت لينا الفرح
اللي ف حياتنا انعدم
خليتنا بين الناس
متبوئين القمم
ازاي اقول كلمات
وازاي يبوح القلم
أخلاق ودين وجمال
ايدين ماليها الكرم
والسجده دي حمياك
من شر حسد العجم
والله حاميك وراعيك
مهو انت شيء محترم
بدعي الاله يحميك
لا تشوف عذاب ولا ألم
وتحقق الأحلام
ده العشق فيك اتحسم
اوصف ف ايه ولا ايه
وانت اللي رابع هرم
