اللي اختشوا ماتوا … بقلم / غرام نعيم
اللي اختشوا ماتوا
غرام نعيم
قالك أيه اللي اختشوا ماتوا
والبركة خلاص بقى في العايشين
طب بالذمة كده يا اخوانا
فين البركة جوه حياتنا،
فين تقاليدنا ولا عاداتنا
اتخليتوا عنها سنين
وجه أشخاصمش بني آدميين
لا حياء يعني ولا أخلاق
قالوا الأدب أذواق
خلطوا كثيير أوراق
رفعوا شعار حرية في كله حتى الدين
فيها أيه يعني أما البنت تصاحب عادي
والأهل كمان يبقوا عارفين
والواد رامي يبقى في شلة
مي وندى وليان وحنين
ماهو يعني زي أخوهم
بس انتوا اللي رجعيين
علاقات كثير مفتوحة،
مابقاش ليهم حدود
ده حتى في الخطوبة
شهر العسل موجود
سلامهم بالأحضان وهزار بالأيد كمان
وإن قلت دي مش أصول
يقولوا عليك مخبول
ده حتى في الإعلام
بيضخموا الاجرام
ويغيروا المفاهيم
ده هاني يعني فريند
وده يبقى جوز الست
وده بينا شات عالنت
ماتضيقوش عالبت وماتخنقوش الست
وإن جبت سيرة الدين ،
أو قلت عيب وحرام
يثور عليك ملايين
ويطلع واحد من المهابيل
وكمان برضه زيه عميل
يطلب الغاء حصص الدين
وبعد ده كله
أيه مستني كده بقى يعني
عشان تستغرب أو تتخض
ما خلاص يابني ده الرجالة اتجوزوا بعض
المزيد من المشاركات
غرام
