المؤسسة القومية لحقوق الإنسان تتبنى قضية الطلاب ضحايا معهد الأسكندرية للعلوم والتكنولوجيا.
كتبت نهى العربى
قامت المؤسسة القومية لحقوق الإنسان بقيادة المستشار ماجد صلاح و الأمين العام لمحافظة البحيرة الأستاذة إنتصار دربالة بتبنى القضية المرسلة إليهم من بعض الشباب على السوشيال ميديا ، والتى ورد بها الآتى :-
” المؤسسه القومية لحقوق الانسان
الامين العام بالبحيره ا انتصار درباله
نستنجد بحضراتكم لانقاذ مستقبلنا لثقتنا فيكم ومتابعتنا لما تقوموا به لاسترداد الحقوق لاصحابها
موضوعنا الفكره ان احنا مجموعه شباب كانت طموحنا ان احنا نكمل اي تعليم بعد الدبلومات الفنية وظهرلينا معهد في سيدي بشر في شارع محمد نجيب في الاسكندريه اسمو معهد اسكندريه لى العلوم والتكنو لوجيا معهد خاص ورحنا قدمنا الاوراق فا بنسأل الموجودين هناك المعهد ده خاص قالو ايوا واكد كلمهم العميد النصاب الموزور منصور محمد السيد المغربي وبعد سداد المصاريف ونهايه السنه الدراسيه ناس اخرا كان في اخر سنه من المعهد وعيزين الشهاده وطلعت الشهادات كلها موزوره والحكومه جت واخدت العميد وتحول الى النيابه بعد حصوله على مبالغ عاليه من الطلاب بل المعهد وعمل تأجيلات من الخدمه العسكريه بختم مزور وصل الى النيابه وله ٣محامين واحنا كلنا حوالى 10000 الف طالب ومن جميع المحافظات ومش عرفين نعمل حاجه مع النصاب ده هو وزجتو الاعلاميه جيهان شهين واحنا بي نطالب بحقنا احنا في ناس مننا ضاع من مستقبلها سنه وسنتين والفلوس الى خدها من ننا كل طالب 5000 في السنه وغير ورق الجيش الموزور واحنا مش عارفين اي حاجه في البلد هيه دي مصر حرام بعد مرور سنه من الدراسه وناس بتيجي من جميع المحافظات ومصاريف احنا عايزين حقنا حرام احنا حقنا راح خلاص يادوله كدا ونتمنا منكوم الاهتمام بهذا الموضوع ”
ذلك الموضع الذى أثار ضجة كبيرة من قبل العديدين من مستخدمى الفيس بوك ، وتم إلقاء القبض على مؤسس المعهد وحبسه 15يوما على ذمة التحقيقات ، كما طالبت الأستاذة إنتصار دربالة من الطلاب المجنى عليهم بإحضار جميع المستندات التى تثبت صحة كلامهم ، وتم ذلك وبناء عليه تولت المؤسسة القومية لحقوق الإنسان القضية بالكامل ولن تتخلى عن هؤلاء الطلاب حتى يستردوا كافة حقوقهم .
