المحوجه مقدمه من الشيف المتميزة هدي المنسي
السلام عليكم ورحمة اللة وبركاته
المحوجه
مقدمه من هدى المنسى
مدة التحضير ربع ساعه
مدة الطهى ربع ساعه
المقادير
تمن حوايج مجوجه من عند العطار
كليو الاربع دقيق
باكو بودر
ورقة فانليا
ربع كليو سكر ناعم
كوب زيت ذره او عباد شمس
فنجان سمنه صغير
وباقى العجن كملى بميه قليل
ذرة ملح
٥ معالق كبيره سمسم محمر للوجه
الطريقه
هنضيف كل المواد الجافه مع بعض
ونعمل فتحه فى النصف ونضيف الزيت والسمنه ونعجن ولو احتاجتى ميه شويه صغير ماشى
وبعدين هنجيب ٢ صنيه وسط ندهنها سمنه بسيط
ونبطط العجينه ونرش عليه السمسم ونقطعها سمبوكسات او مربعات قبل دخول الفرن ويكون الفرن سخن
وفى الرف الاوسط ونشغل من فوق وتحت لحين احمرار الوجه اطفى فوق ووطى النار لانها بتعوز نار هاديه لحد ما
وسيبها لما تبرد طلعيها من الصنيه وقدميها لانها وهيا سخنه يتهيءاك انها طريه سيبها تبرد هتنشف معاكى وهتقرمش احلى من بره والله
والف هنا وشفا عليكم روعه بجد
