( المدربة المعتمده ماريونتا تنشر البهجه والسعاده برياضة الزومبا )

بقلم دكتوره اسماء خليفه
مدربه الزومبا ( مروي فؤاد ) والمشهوره * بماريونيتا * انسانه جميله قلبا ♥ وقالبا جذبت العديد من البنات لحب رياضه الزومبا بأسلوبها الراقي والمتحضر وبساطتها في التعبير عن لغه الروح والجسد بالرياضه
طورت ماريونيتا فكره اللياقه البدنية عن طريق الزومبا للبنات وده ادي مساحه كبيره كمان للمحجبات انهم يتمتعوا بهذه الرقصات وعن طريقها حرق الدهون بصوره اسرع وكمان إداتهم طاقة ايجابيه عاليه جداا والخروج من اي حاله اكتئاب وتحسين المزاج ورسم ابتسامه دائمه مستمدة من رياضه الزومبا وكمان من روحها الجميله وده بتمارسه في اماكن كتير عشان تنشر فكرتها زي ،، ( ساقيه الصاوي وقاعة سيد درويش في الهرم ونادي الشرطه في الجزيره ونادي وادي دجلة2 في اكتوبر ومديره الايروبكس في amazing fitness studios 🌷🌷
وبعد كل ده اعرفكم انها واخده الموضوع مش بس هوايه من جواها كمان عندها خبره كبيره لانها واخده خمس شهادات معتمده دوليا 💪 في الزومبا والفيتنس من امريكا وانجلترا وكمان اخدت شهادات كتيره عن النيوتريشن وطريقه عمل الاكل الهيلثي
* ماريونيتا * عندها رساله مهمه اوي انها تخلي البنات دايما عندهم طاقه ايجابيه عاليه ويعيشوا لايف ستايل هيلثي تابعوا حلقاتها عن النيوتريشن علي قناه اليوتيوب Nfc
الزومبا مع ماريونيتا تجربه لازم تعيشوها عشان كده انا بسميها
#ماريونيتا_صاحبه_البهجه_والسعاده 💪💪