المرأة مغناطيس الحياة..

 

المرأة مغناطيس الحياة… 

 

بقلم …  أمل صلاح الدين

 

 

المرأه انسان رقيق بطبعه حساس ربنا خلقها من ضلع الرجل علشان تكون سنده،. خلقها من نفسه لتكون ونسه وتشاركه الحياه بحلوها ومرها .

ووصاك انك تحافظ عليها مش تهينها وتبهدلها.

قال رسول الله عليه الصلاة والسلام ( استوصوا بالنساء خيرا)
وفي حديث اخر (رفقا بالقواري)
واذا سئلت عن المرأة ؟؟؟
فقل هي انسان لا جسد ،
هي زوجه وليست عبده ( امه )
هي عقل لا جهل ،هي رحمه لا ضعف ،هي أمانه لا إهانه 
هي كرامه وليست إمتهان او خضوع أو حقاره….
ومن يستقوي على المرأه فهو ليس سوى ذكر وليس برجل ………

المرأة أمانه وليست إهانه….

 

إستوصوا بالنساء خيرا..
المرأة خلقت لتكون ملكه فى عيون الرجل..
والرجل خلق ليكون رجل لها وليس عليها..
لأن المرأة خلقت لتكون مفتاح السعاده الأبديه
فهي الأم والأخت والسكن .
المرأة خلقت لتكون جنة الله فى الأرض وليست للإهانة وقلة الكرامة والضرب والسب.

المرأة مغناطيس الحياة

هي الطف مخلوق على وجه الأرض فإنها قطعة من الجنة وخيرت عن الحور العين هي دي مكانة المرأة في الإسلام وربنا وصانا على النساء وسيدنا محمد وصانا على النساء..
ياعاصى ياغاضب
مش عيب خالص إنك تكون اسطوره فى نظر مراتك والأسطورة مش ضرب وإهانة الاسطوره إنها تلاقى راجل بجد تتسند عليه يكون لها أخ وأخت واب وأم وسند وحنان وأمان مش ضرب وقلة أدب وإهانة فى الشوارع الله على الرجوله دى مش رجولة هذا نقص منك أنت فعلاً والله دا إسمه نقص منك
وليها حق إنك تنزلك من نظرها..

افتكر إنك عاهدت الله أمام الجميع إنك تعاملها معاملة الإسلام ولم تنفذ العهد
تعرف يعني إيه تخالف عهد الله؟

ده ربنا سبحانه وتعالي وصاك عليها بقوله تعالي (ومن آياته أن خلق لكم من أنفسكم أزواجا لتسكنوا اليها وجعل بينكم مودة ورحمة)
صدق الله العظيم
ربنا خلق المرأة منك أيها الرجل من ضلعك وجعلها سكن ليك فأين المودة وأين الرحمة .
ربنا خلق الرجال قوامون علي النساء معناها إيه إنك تستقوي عليها لا لو مش فاهم المعني خلقك أقوي منها علشان تشيل عنها وتريحها وتحافظ عليها مش عشان تهينها.

(كلامي موجه لفئة معينة من الرجال)

مش معنى إن أنت الراجل
يبقى ليك الحق في كل حاجة
ومفيش عليك حق ….

مش معنى إنك الراجل
يبقى تشخط وتنطر
على أي حاجة وكل حاجة.

يبقى طول الوقت إهانة وتطاول
يبقى ليك الحق تمد إيدك على إنسانة أضعف منك
ومش زيك في الجسم لكن عقلها يوزن بلد
وصدقني أحسن منك بكتير.
ويوم ما هتقوم مش هتكون قد قيامتها
فاتقِ شر الحليم إذا غضب…..

تحيه لكل رجل بمعني الكلمه.
تحيه شكر وتقدير لكل إنسان حافظ علي إمرأة سواء كانت زوجته أو أخته أو أمه أو ……………. ألف تحية