المقلوبه بطريقه لذيذه مقدمه من الشيف فاطمه

المقادير

2 كوب ارز مصري
نص كيلو صدور دجاج

و ١ك بتنجان رومى +٢طمام حلقات+ قرنبيط بالكميه المفضله
+نص ك بطاطس +نص ك حلقات بصل + فلفل الوان + جزر مبشور + ملح+فلفل+قرفه+٧بهارات

الطريقه

اولا معلقتين سمنه كبار مع معلقة زيت ثم نقلى الدجاج فيها بعد ما نتبل الدجاج حتي يأخد الدجاج اللون الاحمر ثم نحضر البصل المتقطع حلقات ونقليه فى نفس الحله حتي يأخد الوان الاحمر ثم نحضر الطماطم ونقليه بطريقه خفيفه فى نفس الحله وياريت تكون الطماطم نشفه ومتقطعه حلقات تخينه هى والبصل وطبعا نكون قلين البتنجان والبطاطس والقرنبيط ومجهزنهم على جنب وبعد ما نغسل الرز غسله كويسه ونصفيه كويس ونحط عليها الجزر المبشور والفلفل الالوان ونحط عليها البهارات والملح ومعلقه كبيره سمنه سايحه ونقلبها كويس ونخليها بردوا على جنب
ونبتدى نرص فى الحله العملنا فيها الفراخ والخضار الاول نرص البصل اول حاجه من تحت وبعد كدا الفراخ ونرص البطاطس من الجنب فى الحله ونوزع بعد كدا بقى القرنبيط والطماطم والبتنجان بالطريقه التحبيها ولما تخلصى رص الخضار كلوا ننزل الارز المبهر وعليه الفلفل الاوان والجزر على الحله ونحط عليه شربه لحد متغطى الارز ولو مافيش شربه ممكن مياه عادى بالمرقه بتاعة الدجاج وننتظر حتي يتشرب الارز من المياه وتهدئ عليه النار خالص لحد متلقى الرزيه استوات معاكى وبعدين تستنى لما تنزل من على النار وتهدئ ثم تقومى بقلبها فى طبق التقديم وبالهنا والشفا