الممبار أكلة من المطبخ المصري مقدمة من الشيف نهلة الطيب
الممبار
أكلة شعبية من المطبخ المصري من الأطباق المميزة في عيد الاضحي تحفة اصحاب الدايت والكلام دة يركنوا على جنب النهاردة
المقادير
١/٢كيلو ممبار
١/٢كيلو ارزحوالي ١/٢ ٣كوب
خلطة تسبيكة المحشي
الطريقة
يغسل الممبار جيدا بالملح والدقيق والخل ويشطف من جوة وبرة وننقعة نصف ساعة في خل وملح وليمون وبعدين نشطفة ونصفية
خلطة ارز محشي
بصل وطماطم معصورة ومعلقة صلصة وخضرة محشي شبت وبقدونس وكسبرة وملح وفلفل وكمون وكسبرة وربع كوباية زيت وكلة يتسبك كويس عالنار ننزل بالارز المغسول ونقلب تقلبتين ونطفي علية ونسيبة يبرد
نبدأ نحشي الممبار بعد ما نقطعة حسب الطول اللي عاوزينة حوالي ٢٠سم ونحشي بس مش كتير علشان ميتقطعش فالتسوية ونبططة كويس ونخرمة بالخلة او الشوكة
نسخن مية في حلة كبيرة ونحط فيها بصلة وفص حبهان ومستكة وورق لوري وفلفل اسمر ولما تغلي اوي ننزل بالممبار واحدة واحدة وهنا في اكتر من طريقة نقفلة من الجانبين بالخيط او الخلة او نعلقة في عصاية الشيش طاووك وننزل بيها في الشوربة لحد الطرفين ما يقفلو وبعدين نشيل العصاية وهكذا لحد ما يخلص المقدار ونتركة يغلي نهدي النارعليه لمدة ساعة او اكتر شوية او أقل لحد ما يستوي ونملحة قبل ما بستوي بشويةنشيلة من الشوربة ونسيبة يبرد ونحمرة في زيت وسمنة او في الفرن ويقدم مع سلاطة وشيبسي وبألف هنا
