الممبار المحشي مقدم من الشيف نهلة الطيب

الممبار المحشي

مقدم من الشيف نهلة الطيب
المقادير
١/٢كيلو ممبار
١/٢كيلو ارز(حوالي ١/٢ ٣كوب)
خلطة تسبيكة المحشي
الطريقة
يغسل الممبار كويس اوي بالملح والدقيق والخل ويشطف من جوة وبرة وننقعة نصف ساعة في خل وملح وليمون وبعدين نشطفة ونصفية
خلطة ارز محشي
(بصل وطماطم معصورة ومعلقة صلصة وخضرة محشي شبت وبقدونس وكسبرة وملح وفلفل وكمون وكسبرة وربع كوباية زيت )وكلة يتسبك كويس عالنار ننزل بالارز المغسول ونقلب تقلبتين ونطفي علية ونسيبة يبرد
نبدأ نحشي الممبار بعد ما نقطعة حسب الطول اللي عاوزينة حوالي ٢٠سم ونحشي بس مش كتير علشان ميتقطعش فالتسوية ونبططة كويس ونخرمة بالخلة او الشوكة
نسخن مية في حلة كبيرة ونحط فيها بصلة وفص حبهان ومستكة وورق لوري وفلفل اسمر ولما تغلي اوي ننزل بالممبار واحدة واحدة وهنا في اكتر من طريقة نقفلة من الجانبين بالخيط او الخلة او نعلقة في عصاية الشيش طاووك وننزل بيها في الشوربة لحد الطرفين ما يقفلو وبعدين نشيل العصاية وهكذا لحد ما يخلص تلمقدار ونتركة يغلي نهدي النارعليه لمدة ساعة او اكتر شوية او أقل لحد ما يستوي ونملحة قبل ما بستوي بشويةنشيلة من الشوربة ونسيبة يبرد ونحمرة في زيت وسمنة او في الفرن ويقدم مع سلاطة وشيبسي

الممبار المحشي هو طبق شعبي في المطبخ العربي، خاصةً في مصر وبلاد الشام. يُصنع الممبار من أمعاء الخراف أو العجول، والتي تُنظف وتحشى بخليط من الأرز والبصل والتوابل والبهارات. يُعرف الممبار أيضًا بأسماء أخرى مثل “الفوارغ” أو “الطراف” أو “الشخاتير”. 

السعرات الحرارية في وصفة الممبار
بالرغم من أن الممبار يعتبر مصدرًا للمعادن والفيتامينات كالفوسفور وفيتامين ب 12، ودور تناول أمعاء البقر في تكسير الدهون والكربوهيدرات، وتعزيز إنتاج البروتين وإصلاح أنسجة وخلايا الجسم، ودعم جهاز المناعة وتقليل خطر الإصابة بفقر الدم، إلا أن الطبق يعتبر مرتفعًا بالسعرات الحرارية، إذا تحتوي حصة الفرد الواحد من طبق الممبار على حوالي 850 سعرة حرارية، وذلك وفقًا للوصفة المذكورة بالمقال وعلى افتراض أنها تكفي ل 4 حصص بالمجمل، لذا يجب الحرص على تناول كميات قليلة ومحسوبة منه؛ لتجنب زيادة الوزن والسمنة.