الممبار مقدم من مريم أبو العلا

طريقة غسل الممبار
هاتي الممبار اغسليه تحت الحنفيه انقعيه ماء وخل نصف ساعه اكحتيه بدهر سكينه شيلي الدهن الي عليه بس براحه
لان الدهن دا بيكون سبب ان يفرقع منك .
بعدها اغسليه كويس خل ودقيق وليمون وملح تحت الحنفيه لحد المايه تبقي رايقه
اقلبيه علي الوش التاني واعملي نفس الموضوع انقعيه شويه في ماء وخل واكحتيه واغسليه ملح ودقيق وليمون لحد يبقي ابيض والمايه رايقه اعصري ليمونه واركنيه واعملي الخلطه بتاع طريقة المحشي
افرمي فصين ثوم وملح وفلفل اسود كمون كزبره ناشفه
وفلفل اخضر افرميهم ناعم ودبليهم في معلقتين سمنه
وحطيهم علي خلطه المحشي سواء عملتيها ني في ني او متسبكه .
بعدين احشي الممبار ويكون متهوي مش مليان قوي زي الصور كدا وخلي الحروف فاضيه
اغلي ماي فيها بوكيه جرنيه ( بصله جزره ورق لوري حبه طماطم) توابل فلفل اسود كمون كزبره ناشفه
اول متغلي انزلي بالحروف الاول عشان تقفل واقفلي الحله بس مش قفله كامله سبيه علي نار متوسطه ساعه الا ربع ضعى ملح وسبيه يغلي غلوتين وطلعيه من الحله والبوتاجاز شغال عشان لو طفيتي وهو في الحله ممكن يفرقع
حمريه في سمنه وزيت .
رئيس قسم المطبخ أ / جيهان جعفر