النجم [ طارق الدسوقي ] ؛ [ أنت النجم ] مسابقة فريدة

أجري الحوار : عمر آدم

إعداد صحفي : أية ياسر 

لمشاهدة الحوار كاملاً فيديو 👇🏻👇🏻

ما رأيك في إنطلاق مسابقة ( أنت النجم ) في جامعه حلوان ؟
الحقيقه سعدت جداً بفكره المسابقة دي و سعدت أكثر كمان النهارده لما زرت مجمع الفنون لأن أنا زرت المكان ده قبل ما يفتتح و سعدت جدا إنه أفتتح و شغال على أكمل صوره و على أكمل وجه و بتمني و بحلم إن كل جمعيه مصر يبقى فيها دار عرض بالكفاءة و القيمة دي الجمالية اللي أنا شفتها .

إزاي كانت مسابقة ( أنت النجم ) فريده من نوعها ؟
فكرة المسابقة جديدة فعلاً من نوع إنك عايز تختار نجم الجامعة في كل مجال من المجالات و تخلق حاله من التنافس بين الطلبة و الطالبات على مستوى كل كليات الجامعة وفي كل مجالات الفنون و الإبداع سواء فنون تشكيلية أو مسرح أو عزف أو غناء ده شيء هايل جداً إنك تستعين بخبرات أساتذة و دكاترة الجامعة الموجودين بالإضافة لبعض الفنانين المعروفين من الخارج أعتقد ده شيء جيد جداً و محترم جداً .

ما أهمية الأنشطة الطلابية ؟
أنا دايما بقول إن الأنشطة الطلابية خاصه الثقافية و الفنية لا تقل أهمية عن الدراسة الأكاديمية إن لم تكن الاهم ؛ لأن دي المسؤولة عن بناء الانسان و مسؤوله عن التأكيد على هوية الإنسان بما تحوي هذه الهوية من قيم و عادات و لغة ؛ في نفس الوقت دي معامل تفريغ حقيقية للمبدعين في كل المجالات يعني كل النجوم اللي بنشوفهم في كل مجالات الفن المختلفة هتلاقي بدايتهم المسرح المدرسي أو مسرح الجامعة أو بدايتهم الأنشطة الطلابية الموجودة في المدرسة و في الجامعة ؛ فده معامل تفريغ حقيقية للمبدعين في كل المجالات الى جانب أنا بخلق جيل متذوق للثقافة الجادة و الفن الرفيع ، جيل عنده القدرة على الفرز و الإختيار إنه يقدر يقول العمل ده تافه و هايف و سطحي مش هأقبل عليه و لا هرفع من شأن نجومه ، و العمل الأخر ده عمل بيحترم عقلي و وجداني ده اللي هتفرج عليه ؛ و دي مساله مهمه جداً جداً عشان كده أنا سعيد جداً بكل الأنشطة الطلابية في الجامعة .

ما رأيك بالأنشطة الطلابية لجامعات حلوان ؟
سعت كثيراً بإهتمام الجامعة الغير طبيعي بالأنشطة الطلابية ، و ده يرجع لفضل الأستاذ الدكتور السيد قنديل ” رئيس الجامعة ” و الأستاذ الدكتور ” أحمد فاروق ” مستشار رئيس الجامعة ” الحقيقة لما يبقى في قياده مؤمنه بأهمية الأنشطة الطلابية بتحس بزخم ، و ده بيبقى محسوس في كل المسابقات و المهرجانات اللي بتتعمل ، و أنا سعيد بالتجربة و سعيد بالمشاركة و بتمني كل التوفيق لكل ولادي الطلبة و الطالبات إنهم يعرضوا إن شاء الله عروض مشرفه تليق بهم و بإسم الجامعة و إنهم يبقى حافز ليهم إنهم يكملوا و أشوف منهم نجوم و نجمات في كل المجالات ان شاء الله في المستقبل .