النوتيلا الاقتصاديه مقدم الشيف من توتا مراد
النوتيلا الاقتصاديه:-
مدة التجهيز ١٠دقيقة
مدة الطهي لا يوجد
مقدم من توتا مراد
المقادير
نص كوب لبن حليب
نص كوب لبن بودره
نص كوب سكر بودره
نص كوب كاكاو ابن ناس
استخدمت هيرشي وممكن تستخدمو نسكويك
كوب زيت عباد شمس
2 كيس كابتشينو بونجورنو بندق
3 نقط روح البندق…هتلاقيها فى محلات خامات حلوانى او عطار كبير
الطريقه:-
هنجيب الخلاط بتاعنا ونحط اللبن الحليب واللبن البودر والسكر والكاكاو والكابتشينو وروح البندق ونضربهم ضربآ مبرحآ لمده دقيقتين او 3 بعد كده نفتح غطا الخلاط الصغنن وننزل الزيت تدريجيا على هيئه خيط رفيع هنلاقي القوام تقل نوقف الخلاط ونفتح نقلب تقليبتين ونضرب تانى دقيقتين …ولو عايزين تعززو النكهه ضيفو قبل الزيت ربع كوب بندق مطحون ناعم جدااااااااااااااا لازم يبقي ناعم زى البودره عشان لو خشن قوام النوتيلا هيبقي مش ناعم
رئيس قسم المطبخ
اسماء عزازي
وسمسمة سعد
