انتصار محمد حسين تكتب بحل مشاكلي
انتصار محمد حسين تكتب
بحل مشاكلي
بحل مشاكلي بمشاكل
وبهرب من ضغوط لضغوط
وطول وقتي مش زعلان…
وبردوا مش مبسوط….
بقاوح كتير مع نفسي
وحاسس نفسي مهدود…
ولما فِكري.. يوم يشرُد
اقول لفكري… إياك …عود
طول عمري ماسكني
ساندني…
ونَفسي سانِدها يدوووبك
عووود…
شوية ريح تمرجحني
لفوق حبة تطوحني
وتاني تنزلني ونسمة بسيطة تجرحني …
ليلاتي نفسي معايا بحكيلها
المزيد من المشاركات
ولما تبكي روحي… بدعيلها
يهون عليها …ونور الفرح
يبُصلها من الشباك…
وفكري معايا بيدادي
يقلب جوايا حُسَّادي
ولما يشوف دمعي
يطبطب عليا …يهون عليا
يقول عادي….
وإيه يعني …
قليل يشتري …وكتيير باعني
عايزني أبطَّل… اتذكر
وفكري يروق…مايتعكر
وانا اللي بحل مشاكلي بمشاكل
وبهرب من ضغوط لضغوط
وطول الوقت… مش زعلان
وطول الوقت… مش مبسووط
….
اقرأ أيضاً: الشاعرة انتصار
#انتصار #محمد #حسين
