انتى حلوه ليكى مش لحد _بقلم الستايلست داليا حسام

كل ست فينا جواها حته محدش يقدر يوصلها غير نفسها ويا بخت اللى متصالحه مع روحها وفهماها. بس للآمانه معظمنا بيبقى مش فاهم الحته ديه ومن هنا بنبدآ نتخبط ونتصرف تصرفات بتخلى الرجاله تقول علينا اننا موديين واننا مش عارفين عاوزين ايه طب ماهما معاهم حق برضو لاننا بنكون فى المرحله ديه فعلا مرحله عدم استقرار نفسى طب ليه بقى منحولش نقعد مع نفسنا قعده بس قعده بضمير نشوف هو انتى عاوزه ايه ؟ اكيد كل واحده فينا ليها طموح واحلام جواها ونفسها تحققها بس فى مننا بيكتفى انه يحلم وفى بيقوم يحقق حلمه ده فى مننا بيستسلم لخلاص العمر عدى ومبقاش فى وقت وهحقق حلمى ده امتى انا يدوب اشوف ده فى ولادى ومش مهم نفسى من باب التضحيه طب على فكره الحلم ملوش زمن ولا مربوط بسن ومش معنى انك تهتمى بولادك انك تيجى على نفسك انتى اللى بتعملى فى نفسك كده وبتستسلمى لحاله من اليآس وقله الحيله بتخليكى توصلى لمرحله الشيخوخه المبكره عودى نفسك انك تقدرى تنجحى وتوصلى فى المجال اللى انتى شاطره فيه اذا انتى عاوزه ده عودى نفسك انك تهتمى بنفسك ليكى انتى علشان تفضلى تهتمى بيها على طول مش علشان اشخاص اللى بيهتم بشكله ومظهره علشان اشخاص بيجى عليه وقت ويبطل يعمل ده علشان ميرضيش الاشخاص ديه بيحس وقتها انه انتصر علشان بطل يرضى اللى قدامه لكن لما تبقى بتعملى ده ليكى انتى علشان تشوفى نفسك حلوه هتفضلى تعملى ده طول الوقت وعندنا امثله حوالينا لستات وصلت لسن ال80 ولسه عندها حيويه وناجحه فى مجالها وواخده بالها من نفسها لنفسها ففضلت ناجحه وحافظت على كيانها خليكى عارفه انك تهتمى بنفسك مش معناه انك تقصرى فى واجباتك ناحيه بيتك وولادك بلعكس اهتمامك بنفسك بيرفع من روحك المعنويه ويخليكى تقومى بواجبتك وانتى فى حاله نفسيه افضل طلعى الست اللى جواكى متحبسيهاش مش عيب تكونى رقيقه ولا دلوعه ربنا خلقك انثى متكتميش جواكى حاجه ربنا مديهالك لمجرد افكار فى دماغك بتقولك ان ده ميصحش وعيب خلينا نجرب نعيش حياتنا صح خلينا نثبت لنفسنا قبل اللى حوالينا اننا نقدر ننجح فى بيوتنا وكمان نقدر نحقق احلامنا او نسعى على تحقيقها ويكفينا شرف المحاوله صدقينى كل واحده فينا جواها حته حلوه المهم هى اللى تكتشفها وتكبرها علشان توصل لمرحله الاستقرار النفسى وانها ليها لازمه غير انها زوجه وام علشان مش كلنا زوجات ولا كلنا امهات بس اكيد ربنا خلقنا كلنا مهمين لنفسنا قبل اللى حوالينا #انتى_حلوه_ليكى_مش_لحد