انــــــــــــــــا
نسرين فاروق
انا الهادية
وانا العاقله
وانا المجنونه بردوا ساعات
انا القاسية
و انا الماشيه
بواسي قلوب وببكي سكات
انا المغلوبه على امري
يجوز اوقات
انا معافرة ووخدة الدنيا بالعافيه
وبنسى حاجات ومفتكرة
قلوب قاسيه وبحن ساعات
انا العشمانه بزياده
ومصدومة في مية احساس
المزيد من المشاركات
انا السهرانه بكتبلك
والملم بيكي الف شتات
انا ليلي يطول جدا لو افتكرك
وببكي وادعي في صلاتي واجيب
سيرتك
انا اتربيت على كفوفك
كما العصفور
بطير م الفرحه لو ترضي
ويقوى جناحي لو مكسور
بعدي صعاب ويجي النور
بجد بدعوتك ليا
يا كل جميل انا رأيته
يا قلب يفيض بحنيه
ويبقى
لقاكي في الجنه يا امي
أغلى امنيه
نسرين فاروق
احسنتى الكلمات المبدعه.