انـــــــــــــا

رشا كمال

أنا مش موجوع..ولا عندى تلال احزان مدفونةايام و سنين تحت الضلوع.
أنا أهو فرحان..واعرف ارسملك اجمل ضحكة تبان ف الصورة واااو واخر جنان
انا مش مجروح..ولا بسهر ليلى بطوله أنوح
أنا أهو مبسوط..ولا عمرى ف يوم لفظتنى بحار وشطوط.
انا مش حيران..ولا ليلة بموت م الفكر ولا بفضل سهران.
أنا هو ثابت..مهما الاحزان فوق راسى تدق طبول او منها سنينى شابت

بتقول كداب؟..أبدا أبدا وأنا هكدب ليه؟
انا بتجمل لاجل اتحمل وافضل وحدى ف مشوارى مكمل.
علشان الموت اهون عندى من كلمة تطييب ..خارجة مجاملة من غير احساس فتزيد جرحى ولا عمره يطيب.

✍الدرويشة
#رشا_كمال