اهداء الى أمى…
اهداء الى أمى…
بقلم الشاعرة… سناء بدير
المزيد من المشاركات
كنتي يامه كل حاجة
وأغلي حاجة في الوجود
ياللي كان حبك ف دمي
ياللي كنتي شايلة همي
انتي يامه اللي ف وجودك
عشت احلي سنين حياتي
كنتي تدعيلي ف صلاتك
غصب عني بحن ليكي
روح أمي رحمها الله
ياللي كان حبك ف دمي
ياللي كنتي شايلة همي
الحنان بعدك ياأمي
انتهي ومالهوش وجود
روحي دايما بتناديكي
والدموع اهي ماليه عيني
مهما ببقي ف وسط لمه
وحضن خاله وحضن عمه
مين بس يعوضك يامه
صعب اني اوصف حنانك
مستحيل يوم حد تاني
جوه قلبي ياخد مكانك
وحشتنى يا ست الكل
