ايقونه للجمال (ردا على اسئلتك) للشاعر :محمد زيدان
ايقونه للجمال (ردا على اسئلتك)
الشاعر :محمد زيدان
ايقونه للجمال ( ردا على اسئلتك )
حبيبتى
ردا على اسئلتك وهل انى لسه بحبك
وياترى بشوفك لسه زى اول يوم قابلتك
هجاوبك
ركزى فى كلامى وانتبهى وف كل حرف هيتقالك
عشان قررت خلاص ان انهى شكك فيا وقلقك وغيرتك
حبيبتى
انا هفضل ليكى وعمرى ماهقبل تانى بغيرك
ولا عمرى هصادف انثى ليها ربع تاثيرك
ربع سحرك والجاذبيه اللى بشوفها ف عينك
فامفيش داعى لقلقك منى وانعدام الثقه يمتلكك
وباكدلك ان لايمكن يقبل قلبى بغيرك يحتله
واصل عشقه لابعد من ان خيالك يوم يوصله
مستحيل حاجه هتغيره ولومين الطريق مهدله
وفوق ده كله معاملتى ليكى هسيبها هى تجاوبك
حبيبتى
معاملتى اكبر دليل على انك عندى ف اكبر مقام
اسلوبى وانا بقدملك ورده او لما اضمك لحظه ماانام
ولانى مؤمن بان مشاعرى صعب يترجمها الكلام
فابسيب مواقفى هى تعبر عن اى رساله عايزها توصلك
وشوفى زمان عشان اوصل ليكى راجعى كم المحاولات
فضلت ارازى واكراش عليكى واجمع عنك فى معلومات
لكل مغامرة اتغامرت منى عشان الفت نظرك انتى بالذات
هتلاقي من نفسك انتى بنفسك بتجاوبى على جميع اسئلتك
حبيبتى
انا ليا اساليب فى الحب اللى بيها بتميز
مش بالكلام وقلبك يقدريقيم ويقدريميز
مش شرط اقولك انك بكل ما رئيت من ليديز (ladyes)
ممكن موقف بسيط لا يذكريكون بميت كلمه بحبك
حبيبتى
بلاش تدخلى فى معارك قلبك فيها هيكون خسران
ومش محتاج اثبت اخلاصى ولامحتاج اقدم برهان
لانك عارفه ومتاكده ان مستحيل لحد غيرك ايا كان
هتاخدنى ليه عاطفه او يكون ليه حتى جزء من مكانتك
سيبك بقى ما الغيرة الاوفر ومتبقيش زى الاطفال
كل دقيقه يتبدل موودك وكل دقيقه بالف سؤال
اطمنى هتفضلى عندى رمز الانوثه وايقونه الجمال
ارجو انك تكونى مقتنعه ولقيتى اجابه لاسئلتك
ردا على اسئلتك
*******************
#السيدات : ladyes
