بأقدم اعتذاري.. بقلم/ غرام نعيم.

وبأقدم اعتذاري وباتأسف لنفسي
على كل لحظة مرت كنت أنا ليك باختياري
وبأقدم اعتذاري على فترة طويلة عدت
عدت كدة من حياتي
ويزيد أسفي وعتابي
على صبري واحتمالي
كنت بأخبي وأداري
كان مين حاسس بحالي
لكن بعد اللي شفته
من كل شيء عجيب
خلاني أخدت بالي
من ناس مالهاش حبيب
وبرغم ذكرياتي واللي انا شفته في حياتي
حأعيش من تاني برضه لنفسي ولآمالي
وحاتأسف لنفسي على فترة كانت حلوة
كده بس في خيالي