بائعة الخضار…

بائعة الخضار…

بقلم… هبه عصام

قصة واقعية… 
فالشارع …بياعة خضار…وعلي عينك يابيه..موقوف الحال..
كل يوم تمشي الصبية …من جنب هنية …بياعة الخضار..
تلاقيها..ياعيني..قعدة للمغربيه..لاشرا ولا بيع…
والصبيه..فكرت تعمل ايه…كل يوم علي دا الحال…
وبياعةالخضار لابتتكلم ولا بتشتكي..
بس.والصبية .جاتلها الفكرة.. هتشتري منها…
ان شالله يارب ربع كيلو طماطم ..وخيار من بياعة الخضار…
تمشي من قدامها كل يوم فنفس المعاد تصبح وتمسي..
وبياعة الخضار ..عرفتها…اتفضلي ياصبية واللي في نية الصبية أنها تنفعها…طالما شايفه فرحة جبر الخاطر في عيونها ..
خد عندك ياسيدي ..
بقت الصبيه ..تروح تنفعها..وهنية بياعة الخضار ..تقولها ..عشان خاطر طلتك البهيه..عليه…نقي واختاري من القفص اللي تحبيه..واللي يعجبك خديه..
وبقت الصبيه تختار من عندها احلي فاكهة وخضار..وربنا ييسر مع هنية الرزق ومشي الحال ..
وإذ فجأة..بياعة الخضار..دعت للصبية…دعوة لا عالبال ولا عالخاطر..
روحي…يابنتي اللهي تنسعدي ..وربنا يجبر. بخاطرك.

بعدد المرات اللي كنتي بتفرحيني وتجبري بخاطري ويراضيكي ..ويسخرلك كل اللي نفسك فيه.وصعب انك تلاقيه …زي ماانتي كنتي دايما جابرة بخاطري…
الصبية قالت لهنية…اد ايه كان نفسي في الدعوة ديه…