باتبة المورق مقدمومن ايناس الطباخ

كتب اسماء عزازي
وقت التحضير 60 دقيقه
مدة الطهى 20دقيقه
المقادير
3 كوب دقيق
كوب حليب
نصف كوب زبده .
نصف ملعقه صغيره ملح .
نصف ملعقه صغيره بيكنج بودر.
ملعقه كبيره خميره
وملعقه سكر
بيضه ورشة فانيليا .
.*. للحشو .*.
ملعقتين زبده بدرجة حراره المطبخ
جبنه ابيض
او جبن وزيتون
او عجوة
.. *للوجه .*.
بيضه .. رشة نسكافيه ساده .. ملعقة كبيره حليب
..* الطريقه* ..
ندفى الحليب على النارنضع فيه الزبده تسيح وننزل بيهم عالدقيق والملح والبودر والسكر والخميره ونقلبهم كلهم والبيضه والفانيليا ونعجن وممكن نضيف علبة زبادى لو موجوده ونعجن ونسيب العجينه ترتاح ربع ساعه نقطعهاجزئين نفرد كل جزء مستطيل كبير وندهنها ملعقة زبده ثم نحشيه جبنه او عجوة ولفيه رول زى الصور ماهى موضحه ونرصها فى الصوانى وتترك ساعه تخمر وندهن وشها ببيضه مضروبه مع معلقه حليب ورشة نسكافيه ساده ونرش سمسم او حبة البركه وتدخل فرن 200لحد ماتاخد اللون الدهبى الجميل وبالف هنا وشفا
رئيس قسم المطبخ أ / جيهان جعفر