بالفيديو ..خالد فؤاد الى الفنانات فى مهرجان الجونة :امتى هتلبسوا هدومكم ؟
بالفيديو ..خالد فؤاد الى الفنانات فى مهرجان الجونة :امتى هتلبسوا هدومكم ؟
تشهد مدينة الغردقة فى هذة الاثناء فعاليات مهرجان الجونة السينمائي فى دورتة الثامنة وكعادة كل عام يشهد حفل افتتاح المهرجان حضورًا لافتًا للنجوم والفنانين، فى مقدمتهم إطلالات بعض الفنانات الجريئة والمثيرة للجدل
خاصة تلك التي ظهرت على السجادة الحمراء. بعض النجمات اخترن إطلالات مكشوفة أثارت ردود فعل متنوعة بين الجمهور والنقاد، بينما اعتبر البعض الآخر أن هذه الإطلالات تعبر عن حرية الشخصية والجرأة في اختيار الأزياء.
ومن هذا الضوء كان للكاتب الصحفى خالد فؤاد رئيس مجلس ادارة ورئيس تحرير مؤسسة اليوم للاعلام تعقيب مقتضب على سباق الفنانات فى حرب العرى داخل فعاليات المهرجان
استهل فؤاد حديثة : من امبارح وانا بتابع حفل افتتاح مهرجان الجونة شواء على السوشيال ميديا او المواقع او القنوات وحرب الفساتين العارية بين الفنانات دة مش مهم بالنسبالى ومش مستغرب حتى من فنانات كبيرات فى السن وعدوا السبعين والجو دة والى الان لسة بيظهروا بالشكل دة زى مثلا شيرين رضا ويسرا وهما مش محتاجين يعملوا دة انما ما علينا
لمشاهدة الفيديو على الفيس بوك
https://www.facebook.com/share/v/1BCh6w3PUW/
واضاف فؤاد: انا قضيتى الناس اللى منبهرة بصدر الفنانة دى ورجل الفنانة دى طيب ياجماعة احنا كنا زمان معندناش المادة دى ولا التيك توك ولا اليوتيوب فكنا بنجرى نشوف افلام سينمائية فى مهرجان القاهرة عشان نشوف لقطة كدة ولقطة كدة ايام ما كنا شباب بقى
واوضح فؤاد : النهاردة بقى دة موجود وبشكل متسع جدا وعندكم اجيال واجيال من الستات والبنات اللى بقوا قالعين هدومهم ليل نهار على السوشيال ميديا وعلى التيك توك وعلى اليوتيوب وماشاء الله عليهم طب انتو بتنبهروا ازاى بدول؟ ولسة حد بيشوف الحاجات دى ؟ولسة الفنانات دول بيفكروا بالمنطق دة ؟
وتابع فؤاد :يعنى مفيش واحدة كدة فكرت تخالف القاعدة وتظهر بلبس محتشم طبعا فية الا من رحم ربى انما انتى مبقتيش عارفة ومتابعة بان السلعة لما بتتكر قوى واللحم الرخيص لما بيزيد قوى سلعتة بتنزل قوى وبالفعل السلع دى بقت هابطة قوى
لمشاهدة الفيديو على التيك توك
@www.elmshaher.com مهرجان الجونة .. سيدى العريان وحرب الفساتين الساخنة ؟!! #مهرجان #الجونة_السينمائي #فنانات #جريدة_أسرار_المشاهير #خالد_فؤاد_الصحفي
واستكمل رئيس التحرير كلمتة قائلا: يعنى مين دلوقتى ممكن ينبهر بالشكل دة وهو قدامة على التيك توك واليوتيوب ما هو اكتر بكتير دا حتى كان زمان الناس بتجرى تتفرج على افلام سينمائية عشان بوسة وحضن وكلام من دة
مشيرا الى ان النهاردة حتى الجيل الجديد بقى واعى لدة بقوا يعملوا افلام مفهاش الحتة دى
متسائلا: طب انتو امتى هتلبسوا هدومكم ؟امتى هتعرفوا ان السلع دى بارت والوقت دة عدى ومبقاش يصلح مع الناس؟
واردف فؤاد يعنى مثلا فنانات كتير ونجمات انتى فى احتياج انك تظهرى دة جسمك دة انا مستغرب قوى للفنانات اللى بيلبسوا كدة ومن الشباب اللى بيجروا منبهرين والبنات اللى بتقعد تتكلم على فساتينهم وازيائهم والشباب اللى مش غريبة برضوا مش الزمن دة اتغير والسلع دى بارت خلاص وانتهت و اتحرقت ولا انا مش واخد بالى ولسة عايش فى دنيا تانية
والجدير بالذكر شهدت فعاليات الدورة الثامنة من مهرجان الجونة السينمائي حالة من الجدل على مواقع التواصل الاجتماعي، بعد أن لفتت عدد من النجمات الأنظار بإطلالات جريئة وغير تقليدية خلال العرض الخاص لفيلم هابي بيرث داي
