بالفيديو .. رئيس التحرير يفتح النار على المتنمرات على زوجة اللاعب محمد صلاح
بالفيديو .. رئيس التحرير يفتح النار على المتنمرات على زوجة اللاعب محمد صلاح
أثارت ماجى صادق زوجة اللاعب المصري محمد صلاح جدلاً على منصات التواصل الاجتماعي بعد ظهورها بإطلالة كاجوال بسيطة مع حقيبة فاخرة من دار Hermès العالمية
وظهرت صادق بتشيرت منتخب مصر،حيث شوهدت تجلس بجواره في المدرجات، قبل أن تنزل وتحتفل معه ومع زوجات اللاعبين، بتأهل الفراعنة للمونديال
لفتت زوجة مو صلاح الأنظار بحقيبة يدها المميزة،متوسطة الحجم باللون الرمادي، بمسكة يد صغيرة ومن الجلد الفاخر، وتقدَّر قيمتها بنحو 99 ألف دولار أميركي.
وتفاعل الجمهور بشكل واسع مع السعر الخيالي للحقيبة الفخمة مابين الاشادة وما بين التنمر للاسف والحقد على مقتنياتها الشخصية
ومن هذا الاطار فتح الكاتب الصحفى خالد فؤاد رئيس مجلس ادارة ورئيس تحرير صحف ومواقع مؤسسة اليوم للاعلام النار على كل المتنمرات على ماجى صادق عبر منصات التواصل الاجتماعى
استهل فؤاد كلمتة المرئية المقتضبة متسائلا: قوللى اية احساسك لما تيجى تفتح الفيس وتلاقى شوية ستات وبنات فاضيين مفيش اى حاجة فى الدنيا تشغلهم وملهمش مع كل الاحترام اى قيمة فى الوجود غير انهم قاعدين على الفيس يتكلموا على خلق الله
لمشاهدة الحلقة عبر الفيس بوك
https://www.facebook.com/share/v/1Cd2krccEr/
مضيفا : لاء واية بقالهم دلوقتى حوالى 48 ساعة واكتر شاغلين نفسهم بزوجة اللاعب العظيم محمد صلاح
واستطرد فؤاد تعليقاتهم السخيفة على هذا النحو :
بص شنطتها اللى مش لايقة عليها
بص معقولة تيشرت على بنطلون جينز
لاء والاخريات داخلين معاكى حق ياحبيبتى
دى شنتطها كذا وجزمتها كذا واية الاشارب دة واية التيشرت دة ماكانت تشيل شنطة رياضية
ليستانف تعليقة النارى موجها حديثة اليهم : دى حاجة بشعة قوى
دا اية التفاهة دى اومال لو ليكم قيمة وليكم لازمة
وتابع فؤاد :واحدة زى دى بدل ما نسقف لها انها واقفة فى ضهر واحد من اعظم لاعبى العالم جايين بنتنمر عليها وعلى شنتطها وعلى طرحتها او على بنطلونها
لمشاهدة الحلقة عبر التيك توك
@www.elmshaher.com زوجة محمد صلاح والمتنمرات علي حقيبتها وملابسها ؟!! #محمد_صلاح #محمد_صلاح_فخر_العرب #زوجة_محمد_صلاح #جريدة_أسرار_المشاهير #خالد_فؤاد_الصحفي
مشيرا الى ان :والله العظيم شىء بقى فى منتهى القذارة انا بجد مش لاقيلة اى وصف اعذرونى على اى لفظ خرج منى بس الموضوع بجد مستفز تخيل كدة لما ناس يبقى لها قيمة وبتشتغل وبتبقى عرضة للتنمر من ناس ملهاش اى وجود فى الحياة غير انهم قاعدين شاغلين نفسهم بعباد الله وبيتكلموا عليهم ليل نهار ويتنمروا عليهم لاحول ولا قوة الا بالله
والجدير بالذكر أن زوجة صلاح تبلغ من العمر 31 عاماً وتعتبر حبيبة محمد صلاح منذ الطفولة وتزوج الثنائي عام 2013 في حفل زفاف بسيط،، وأنجبا ابنتهما الأولى “مكة” بعد عام واحد، وبعدها بفترة أنجبت الابنة الثانية لصلاح التي تسمى “كيان”.
ونشأ الاثنان في قرية نجريج بمحافظة الغربية، وتعلّما في مدرسة محمد الطنطاوي، حيث بدأت صداقتهما في مرحلة مبكرة وتطورت لاحقاً إلى قصة حب، وبعد إنهاء دراستها الثانوية، التحقت ماجي بكلية العلوم في جامعة الإسكندرية، وتخصصت في مجال التكنولوجيا الحيوية.
