بالفيديو..رئيس التحرير يوجة نصيحة لمطربة مصر الاولى “انغام”…تفاصيل وكشف حقائق
بالفيديو..رئيس التحرير يوجة نصيحة لمطربة مصر الاولى “انغام“…تفاصيل وكشف حقائق
على اثر تعرض الفنانة أنغام الايام الماضية لأزمة صحية في البنكرياس تمثلت في وجود ورم حميد، مما ادى الى تدخل جراحي لاستئصاله في ألمانيا.
ومن تطلبت الحالة إجراء جراحة ثانية لإزالة خراج تطور لاحقًا، الى ان عادت الى ارض الوطن وتخضع حاليا للمتابعة الطبية في مرحلة التعافي.
ومن هذا الاطار تطرق الكاتب الصحفى خالد فؤاد رئيس تحرير ورئيس مجلس ادارة مواقع وصحف مؤسسة اليوم الاعلامية بتوجية نصحية انسانية بحتة من خلال فيديو تم بثة على جميع منصات المؤسسة المرئية
استهل فؤاد حديثة بالاستعانة بكلام والدها الموسيقار محمد على سليمان :بنتى انغام متصلتش بيا من ساعة ما رجعت من رحلة مرضها دا الكلام اللى قالة الموسيقار محمد على سليمان عن بنتة انغام
وبدأ فؤاد فى سرد وقائع واحداث وقعت فى حقبة التسعينات من القرن الماضى قائلا: شوف عشان نتكلم بوضوح وبصراحة الكبار والقدامى فى عالم الصحافة امثالى تابعوا كويس قوى فى حقبة التسعينات الخلافات الشرسة اللى كانت بين انغام ووالدها وكلنا تابعنا الكلام اللى اتقال فى محاولتة فى السيطرة عليها وانها متشتغلش مع غيرة او انة كان رافض لزوجها الاولانى اللى انفصل عنها كل دا احنا عاصرناة وشوفناة ومش خافى على جليلنا من الصحفيين القدامى
لمشاهدة الفيديو عبر اليوتيوب
وقد اية كان حجم المشاكل والخلافات بينهم كانت كبيرة جدا وصلت لحد القطيعة وكانت فضايح فى الجرائد والمجلات والقنوات وهى تطللع فى قنوات وتتكلم وهو يطلع فى قنوات ويتكلم لحد ماحصل قطيعة كاملة حتى فى العمل الفنى بعد ما كان هو اللى مقدمها وفتحلها الطريق وطبعا فاكرين الاعمال الاولى بتاعتها شنطة سفر والركن البعيد الهادى واعمال كتيرة قوى شقت انغام بيها طريقها الفنى لحد ما حصلت الخلافات وانفصلت تماما عن والدها دى الحقيقة اللى حصلت
وتابع فؤاد :بس انا واحد من الناس كنت فاكر ان السنين اذابت الخلافات اللى كانت ما بينهم وكان فى اتفاق على ان انغام زعلانة من والدها لانة تزوج غير والدتها حدوتة كدة محناش فى صدد الخوض فيهادلوقتى
واضاف فؤاد : بس الحق يقال وانا عارف كويس جدا الموسيقار محمد على سليمان وعارف طبعة الصعب انا بتكلم بصراحة حتى انغام كانت بتبقى شديدة الحزن لانها كانت شديدة القرابة بين عمها عماد عبد الحليم وحزنت جدا علية بعد وفاتة فى الحادث الماساوى اللى مفيش داعى اننا نتكلم عنة دلوقتى وكانت بتحبة وقعدت حزينة علية وكانت بتغنى اغانية وكانت قريبة الصلة بية اكتر من قربها بوالدها الموسيقار محمد على سليمان دا كلة معروف
لمشاهدة الفيديو عبر التيك توك
@www.elmshaher.com أنغام وسر مقاطعتها لوالدها الموسيقار محمد علي سليمان وعدم سؤالها عنه وتجدد الخلافات القديمة بينهما ؟!! #أنغام #خلافات_أنغام_ووالدها #خلافات #خالد_فؤاد_الصحفي #جريدة_أسرار_المشاهير
واستطرد فؤاد: كلنا اتعاطفنا مع انغام فى رحلة مرضها وانا واحد من الناس عملت فيديوهات وانتقدت الشامتين فى مرضها وفرحت جدا بردود الافعال و بان الناس بتدعيلها بس الامر
الى هذا الحد من الفيديو كان سرد لوقائع واحداث ومن ثم بدا فؤاد مخاطبة انغام بعد تماثلها للشفاء التام بفضل الله عز وجل
نصيحة خالد فؤاد لانغام الانسانة وليس المطربة
دلوقتى يانغام مع احترامى ليكى وان الحمد لله ان ربنا شفاكى مبقاش ينفع ان دة يتعمل مع الاب ايا كان دا الاب لازم الاتصال ولازم المراعية ولازم نتفق ان والدك كان فى وقت من الاوقات كان ملء السمع والبصر كملحن وموسيقى
مضيفا :وحاليا مبقاش شغال عشان نكون واقعيين فلازم يانغام بما ان ربنا شفاكى ورجعتى لجمهورك وشوفتى محبة الناس تترجمى دة مع والدك لان هو احق الناس بيكى دلوقتى
لمشاهدة الفيديو عبر الفيس بوك
https://www.facebook.com/share/v/1CB7gQdLsH/
وتابع فؤاد : لازم ننسى الخلافات وننسى المشاكل ومينفعش ان الامور توصل لكدة الاب اب ومينفعش يتعامل المعاملة دى وحالة الحزن اللى هو فيها والانكسار بسبب عدم سؤالك عنة دا عيب ومفتكرش ان حضرتك تتمنى ان ولادك يعملوا معاكى كده مهما كان حجم الخلافات ممها كان اللى انتى شايفاة اللى عملة فى حقك او فى حق والدتك دى حاجات انتهت وفات عليها اكتر من 25 سنة
واشار فؤاد فى ختام حديثة : الى ان مينفعش نفضل متربصين وانتى شقيتى طريقك فى النجاح بعيد عنة والراجل مش شغال حاليا فمبقاش ينفع ان الموضوع يبقى كدة ونرجع تكتب تانى فى الجرايد ونتكلم فى القنوات
يذكر أن محمد علي سليمان موسيقار وملحن مصري وهو والد المطربة أنغام والممثلة غنوة، وشقيق المطرب الراحل عماد عبد الحليم
ولد سليمان في 2 أكتوبر 1947 في محافظة الإسكندرية ودرس بمدارسها، كما درس في معهد الموسيقى كونسرفتوار في الإسكندرية، وتخصص في العزف على آلة الكمان، وتخرج 1966-1967.
