كتبت سمسمه سعد
مده التحضير تلت ساعه
مده الطهى ساعه
المقادير
نصف كيلو رز بسمتى
ونصف كيلو بصل
وربع كيلو زبيب
4 معالق كبيرة عسل اسود
دجاجه مقطعه
الطريقه
طبعا نتبل الدجاجة من بالليل او قبلها ب4 ساعات بصله مبشوره وقرن فلفل احمر وفصين توم فى الكبه عليه مملح فلفل اسود وقرفه وجنزبيل وكمون وببريكا ونصف ليمون ومعلقه خل ومعلقه دبس رمان ثم يتم النضج فى الصنيه على البتوجاز لحد ما تتسوى ونفرش ورق فويل على صاجه الفرن ونولع شويه فحم ونضع على الورق ونكون مولعين الفرن من تحت وفوق ونرص الدجاج على الشبكه ونقفل عليهم لحد ما الدجاج تتحمر
طريقه الارز
نشوح الارز فى معلقتين زيت على سمنه بلدى مع حبهان ومستكه وقرفه وزبيب ونزود شوربه لحد ما يستوى ونضيف كركم مع لون زعفران
ونقطع البصل شرائح ونضيف عليها العسل وباقى الزبيب وفلفل اسمر وقرفه ولون زعفران لحد ما يتكرمل
نحمر شويه لوز فى زيت لحد ما ياخد اللون
طريقه التقديم
الارز عليها البصل عليها الدجاج واللوز
والف هنا
رئيس قسم المطبخ أ سمسمه سعد
واسماء عزازي