كتبت اسماء عزازي
مقدم من الشيف : هناء فهمي
مدة التحضير : 30 دقيقة
مدة الطهي : 40 دقيقة
2 كوب دقيق منخول
ربع كوب نشا
ربع كوب زبدة نباتي
ربع كوب زيت
ربع كيلو شيكولاتة خام صيامي سايحة علي حمام مائي
نص كوب سكر بني بودر
وربع ملعقة صغيرة بيكنج بودر
كيس فانيليا
ملعقة كبيرة ماء
كيس بلاسيتك بتاع اللبن مفرود
نشابة للفرد
يوضع الذبدة والزيت والسكر البني والفانيليا في بولة ويضرب ضرب مبرح بالمضرب او الخلاط لمدة ربع ساعة
ـ ثم يوضع الدقيق المنخول مع النشا مع البيكنج بودر ويوضع علي الخليط ونلم العجينة بالماء وتترك ربع ساعة حتي تستريح في الثلاجة
ــ نكون محضرين كيسين بلاسيتك بتاع اللبن ونفرد واحد ويوضع العجينة علية ثم يفرد الاخر ويوضع فوقة الكيس الاخر وتفرد العجينة بالنشابة وتقطع بالقطاعة البسكويت او كوب صغير
ـ ثم توضع وحدات البسكويت في صينية بها ورقة زبدة وتخرم بالشوكة
ـ نكون مسخنين الفرن علي درجة حرارة 160 ثم يوضع الصواني وتخبز البسكوت لمدة حوالي ربع ساعة حتي يتم النضج
ـ بعد التسوية يترك البسكويت يبرد تماما نكون مجهزين الشيكولاتة الخام بتسيحها علي حمام مائي
ــ ثم نحشي البسكويت بوضع شوية شيكولاتة علي واحدة بسكويت وتوضع البسكويت التانية عليها
ـ ثم توضع البسكوتة كلها في الشيكولاتة ونخرجها من الشيكولاتة وتوضع علي ورقة زبدة في صينية وتدخل الثلاجة حتي يتم التجميد
ـ ملحوظة مهمة
يوضع البسكويت في علبة وتغلق وتوضع في الصيف في الثلاجة لو في الشتا تبقي خارج الثلاجة
لو عايزة البسكويت فطاري هنشيل الزبدة النباتي ويوضع بدلها زبدة بلدي ونشيل الماء ويوضع بدلها بيضة واحدة وكل المكونات زي ماهي
لو ماعندكيش سكر بني نحضر نص كوب سكر ابيض بودرة ويوضع علية ملعقة كبيرة عسل اسود ويقلب جيداا
لو ماعنديش نشابة للفرد افرد بعصاة مقشة نضيفة
ممكن نغلف البسكوتة بورق السيلوفان ونربطها بشريط ستان هدايا هتبقي احلي بسكوتة قدمتيها لضيوفك وولادك
تسيح الشيكولاتة الخام توضع في صينية او طبق المونيوم او بولة ثم توضع علي حلة بها ماء سخن علي نار هادية حتي يتم تسيح الشيكولاتة ثم توضع علي الشيكولاتة ملعقة زيت وتقلب
تحياتي
رئيس قسم المطبخ
اسماء عزازي
وسمسمة سعد
