كتبت سمسمه سعد
مده التحضير ربع ساعة
مده الطهي عشر دقائق
المقادير
2كوب دقيق
نصف كوب سكر بودرة
نصف كوب نشا
نصف كوب زيت ذرة
معلقة سمن
2بيضة
ورقة فانيليا
ربع كوب مياه
نصف معلقة صغيرة بيكنج بودر
رشة ملح
معلقة كبيره كاكاو
معلقه كبيره قرفه
معلقتين كبار جوز هند
ممكن نستبدل المياه بعصير برتقال والفانيليا ببشر قشرة برتقاله
وممكن بالفانيليا فقط
الطريقة
في إناء ننخل الدقيق والنشا وننزل عليهم بالبيكنج بودر والملح ونقلبهم
نضرب الزيت والسمن والسكر في الخلاط او بالمضرب خمس دقايق وننزل عليهم بالبيض والفانيليا ونضرب خمس دقايق تاني
ننزل بخليط البيض والزيت والسكر على الدقيق ونقلبهم في بعض جيدا ونعجن وننزل بالمياة ونعجن لحد ماتتكون عجينه طريه وناعمه مش بتلزق
نقسم العجينه تلت اجزاء جزء نضع عليه كاكاو والتاني قرفه والثالث جوز هند او بالفانيليا
ويترك العجينه في التلاجه نصف ساعه
نبدا نشكل العجينه
نفتح اكياس ونضع العجينه بينهم ونفردها بالنشابه
نفردها لحد نصف سم نبدا نقطعها بقطاعه
ندهن صاج زيت خفيف نرص
ندخلها الفرن الساخن على الرف بتاخد حوالي20دقيقه
نخرجها ونسيبها تبرد ونقدمها
وبالف هنا
رئيس قسم المطبخ أ سمسمه سعد
واسماء عزازي