بسنت شوقي تشارك صور الغروب في اليوم العالمي للصحة النفسية
بسنت شوقي تشارك صور الغروب في اليوم العالمي للصحة النفسية
كتبت: آيه رجب
شاركت “بسنت شوقي” ضمن قائمة عدد من النجوم المشاركين في يوم الوعي العالمي للصحة النفسية،وقامت بنشر مجموعة صور لها حيث جمعت بين الغروب واليوم العالمي للصحة النفسية من وجهة نظرها الشخصية.
ظهرت في الصور تجلس في في هدوء وشاطئ البحر يخلو من الناس أثناء الغروب وعلقت نصًا “الغروب دائما بيبقي وقت مريح ويدعو للتأمل.. بيخليني هادية من جوة وبيساعدني أن تفكيري يرتاح ويقف شوية من زحمة الافكار اللي جوه”.
ربطت بين الصور واليوم العالمي للصحة النفسية وكتب، “حسيت أن الصور دي اكتر صورة بتعبر عن معني”اليوم العالمي للصحة النفسية”.
وجهت أيضًا رسالة لمتابعيها وأضافت “بمناسبة اليوم ده احب اقولكم خدوا بالكم من نفسكم ومن نفسيتكم – خدوا وقت ليكوا انتوا بس – استمتعوا بالهدوء- استمتعوا بالكلام مع نفسكم بعيد عن كل المسؤليات والطلبات و و و . ان شاء الله ٥ دقايق بس كل يوم..”.
وأضافت “انك تاخد بالك من صحتك وحالتك النفسية مش رفاهية بالعكس، ده من اعظم واهم الاشياء اللى المفروض تعملها لنفسك وللحواليك”.
واستكملت رسالتها وحديثها عن الصحة النفسية قائلة “واهم حاجة بقى عايزة اقولها ان المشاكل النفسية مش حاجة تدعى للكسوف – كلنا عندنا مشاكل نفسية- بدرجات متفاوتة – فمفيش اى حرج من انك تسأل عن مساعدة اللى حواليك… عارفة قد ايه الموضوع يخوف وصعب انك تفتح قلبك وتعرى نفسك قدام عالم قاسى زى اللى احنا عايشين فيه بس صدقنى الموضوع يستاهل”.
وإختتمت قائلة “
النهاردة الستوريز اغلبها هتتكلم عم الموضوع ده يمكن تساعد حد وتديله امل او تشجعه.. احب جدا اسمع واشير انتوا بتعملوا ايه عشان تاخدوا بالكم من حالتكم النفسية”.
التعليقات مغلقة.