بس بسرعة

=  هى : آلو .. اسمع من فضلك أصلى مستعجلة أوى وماعنديش وقت عشان اللت والعجن .

هو : أمرك يا مدام .

هى : عايزة كيلو ونص كبدة بس بسرعة على بيت حسن بيه .

هو : ما عندناش كبدة .

هى : طب بلاش كبده .. ابعت كيلو ونص من الفخدة وقطعها شرايح وأشويها .. ونص كيلو كفته بس بسرعة .

هو : ما فيش فخدة ولا كفتة .

هى : الله جرى لكم ايه ؟ طب ابعت لى اتنين كيلو من أى لحمة بسرعة .

هو : ماعندناش لحمة خالص يا مدام ..

هى : ازاى الكلام دا .. هو دا مش محل خفاجة الكبابجى اللى بنأخد منه ؟

هو : لا يا مدام ..

هى : أمال دا محل ايه ؟

هو : دا محل حانوتى .

هى : طب الحق بقى تعالى بسرعة .. زمان جوزى مات من الجوع .