بطاطس بالبشاميل والبسلة والجزر واللحمة المفرومة مقدمة من الشيف ياسمين مرسي

المقادير كالاتى—————-
بطاطس حلقات – كارى – كركم – لحمة مفرومة متعصجة – لبن – موتزريلا – جبنة تشيدر او رومى او جبنة ميكس – كريمة طهى او جبنة سبريد قشطة-زبدة – دقيق – ملح – فلفل – بهار

الطريقة – – – – – – – – – – –
بنسلق البطاطس حلقات سميكة شوية مع كارى وكركم وبتاخد اللون الحلو زى الصورة بنسلقها نصف سلقة وبنسلق البسلة والجزر برضو سلقة مش كاملة وبعدين بنكون مجهزين اللحمة المفرومة المعصجة ونجهز البشاميل كيلو لبن وانا بحط الدقيق تقديرى✋ وعلى البارد مع مكعبتين زبدة البشاميل ياخد لفة بنزل بميكس الجبن وجبنة سبريد القشطة لو مش متوافرة الكريمة الجهينة وبعدين التوابل ملح وفلفل وبهار وكدة البشاميل بيكون جاهز 👌👌
الخطوة الاخيرة نطبق المكونات طبقة بطاطس فى الاول وبعدين لحمة مفرومة وبسلة وجزر وبعديها طبقة بشاميل وبعدين اخر طبقة بطاطس وانزل باخر طبقة بشاميل والجبنة الموتزريلا👌👌👌👍👍👍