بعد التحية والسلام.. بقلم/ غادة زهران.
بعد التحيه والسلام
أهو عيد الام جه وعدا
زي ما عيد الحب جه وعدا
نستعد بقى بأهلا رمضان
ونتبادل التهاني والدعوات
ونتعزم ونعزم
زي رمضان اللي فات
زي كل أيامنا كلها نصب
وضحكة صفرا ترن في نفوس اللائام
مش هنتغير هتفضل كدا
بنلف فى داوائر الغش وفى قلوبنا لبعض
طعنات وسهام
مش آن الأوان نحسم أي أمر في حياتنا
بنيجى على روحنا فيه؟
اللى بتحبه وعارف انو حبيبك اتواصل معاه
واللي مش هيتغير وغبائه غذائه متتعبش نفسك معاه
خلونا نعيش فى سلام داخلي بدل من نمثل على بعض
الحب والوئام ومتعملش نفسك مثالي كلنا آثام
نقي نفسك قبل رمضان علشان تسعد بيه وتحتفل يوم الزحام
والسلام ختام
