بعد منشور الثانوية العامة… عمر كمال يرد على داعية : أنا مش بتاع مخدرات

بعد منشور الثانوية العامة… عمر كمال يرد على داعية : أنا مش بتاع مخدرات

كتبت: مي شاهين 

نشر مطرب المهرجانات الشهير عمر كمال، عبر صفحته على موقع التواصل الإجتماعي الشهير “فيسبوك”، بوست بعد ظهور نتيجة الثانوية العامة،كتب فيه قائلًا :”جبت 90 %جبت70 %جبت40% الشاطر إللي يعرف يجيب فلوس في الأخر”.

وتعرض عمر كمال بعد هذا المنشور إلى إنتقادات حادة من قِبل رواد مواقع التواصل الإجتماعي.

ووجه الداعية علاء حامد رسالة له قال فيها :”ربنا يهديك ويتوب عليك يا رب، وربنا يرزقك من حلال، صدقني… إنت فيك خير كبييير قوي ويارب تسمع كل حد بيحبك وبينصحك وبيتمنى لك الخير.. وتترك الأبواب الحرام (الموسيقى والرقص والحفلات).. وتتأكد إن إللي عند ربنا أحسن بكتير.. والجنة غالية قوي.. وربنا مش هيضيع عبد رجع ليه.. هتلاقي ناس كتير بتنصحك في الكومنت هنا… الناس دي هي إللي عايز لك الخير بجد”.

ليرد عليه عمر كمال موضحًا قصدة من البوست قائلًا:” يا شيخ علاء أنا بقول الثانوية العامة مش نهاية الدنيا.. أهم حاجة إنك تشتغل وتتعب وتحقق لنفسك عيشة كريمة وأكيد بديهي جدًا هتكون بالحلال، أنا مش بتاع مخدرات ولا إنسان وحش للدرجة ديه عشان الناس تعاملني بالشكل ده.. كلنا بنتعب وبنشتغل عشان نجيب فلوس ونعيش عيشة كويسة في الآخر وده قصدي”.

ليرد عليه علاء حامد مرة أخرى :” فرحان قوي بردك المحترم.. إنت إنسان طيب وأنا فاهم قصدك كويس.. بس إحنا فتحنا موضوع النجاح بشكل عام دون إساءة علشان كل الشباب يفهم إن النجاح مش بس فلوس.. ولو فلوس لازم تكون حلال وبشكل يرضي ربنا”.

وأضاف :” إنت عارف يا طيب إحنا بننصحك في إيه… أنت مش تاجر مخدرات وكلنا فينا الخير والشر… بس صدقني يا عمر شغل المهرجانات والحفلات وإللي بيحصل في الحفلات والله مش حلال ولا يرضي ربنا…وهي دي نصيحتنا ليك يا طيب… والله بنحب لك الخير.. وأتمنى نتقابل مرة ونقعد مع بعض… ربنا يبارك فيك وفي والدتك الطيبة”.