بالفيديو .. شاهد نفسك بعد وصولك لسن الثلاثين وبتاخد المصروف ” راحت عليك ياحدق”

بالفيديو .. شاهد نفسك بعد وصولك لسن الثلاثين وبتاخد المصروف ” راحت عليك ياحدق”

 

 

فاجأ الأستاذ خالد فؤاد الصحفي رئيس تحرير صحف ومواقع ” اسرار المشاهير واليوم الدولي وأخبار مصر 24 وتريندات العالم ” متابعيه اليوم بفيديو جديد تم نشره عبر صفحته الشخصية بالفيس بووك .
ومجموعة من المنصات والتطبيقات المختلفة توجه فيه بالحديث لملايين الشباب سواء بداخل مصر أو غيرها من الأقطار العربية المختلفة .

رؤية إخراجية / آيات حافظ

وذلك بعد أن لفت نظره وأنظار الكثيرين تلك الظاهرة المتمثلة في حالة الكسل والإستسلام المسيطرة علي ملايين الشباب العرب ممن يجلسون في بيوتهم بدون عمل ورغم أن أعمارهم كما قال قاربت الثلاثين وتجاوزتها لازالوا يحصلون علي المصروف من ابائهم منتظرين ومتوهمين إنهم سيكونون يوما ما في أماكن كبيرة ويحصلون علي رواتب عالية تتوافق مع قدراتهم الخارقة كما يرون انفسهم .

وقد أستهل حديثه لهم قائلا : شوف يا أبنى .. فيه قاعدة مهمه عايزك تعرفها .

كل ماتبدأ بدرى .. ترتاح بدرى

انت بقي عديت العشرين من عمرك وسنك دلوقتى ٢٢ و٢٤ وقربت من الثلاثين ويمكن عديتهم .
ووقتك كله ضايع في كلام فاضي ومع الموبايل والعابه بالساعات ولسه بتقول وبثقة غريبة بكره هاتشوفونى هابقي أيه ؟!
ومصمم تخدع نفسك قبل ماتخدع الناس وفاكر أن فيه ثروه هتنزل عليك من السما .
أو حد هاييجى فجأة يكتشف قدراتك ومواهبك ويحطك في المكان اللي بتخدع نفسك وشايف نفسك فيه .

محمود الجندى وراحت عليك ياحدق

وواصل قائلا : ياعم اتلهى بقي وفوق لنفسك واعرف أن السما مابترميش ذهب ولا فضة.

وحاول تعمل حتى زى محمود الجندى لما كان مصمم يسافر وقال لابوه فؤاد المهندس في مسرحية ” إنها حقا عائلة محترمة ” انا مش هقدر استنى لحد ما الزمن يعدى علي ويقولى : راحت عليك ياحدق .

وأختتم الفيديو قائلا : ياريت تفوق بسرعة قبل ما القطر يفرم فيك أكتر من كده .

 

شاهد الفيديو