بمناسبة عيد القوات الجوية ثلاث أغنيات كتبها الشاعر سيد البالوي لنسور النصر
بمناسبة عيد القوات الجوية ثلاث أغنيات كتبها الشاعر سيد البالوي لنسور النصر
أغنية عاشت قواتنا الجوية
عاشت قواتنا الجوية
دول رجاله شديدة قوية
مصر بلدنا بخير وياكم
عاشت قواتنا الجوية
وقت الحرب بيطلع سرب
يدُك الأرض ف شرق وغرب
ويحمي سمانا بطول وبعرض
ويحفظ أمتنا المصرية
عاشت قواتنا الجوية
دول رجاله شديدة قوية
مصر بلدنا بخير وياكم
عاشت قواتنا الجوية
من أكتوبر للتطهير
جوة سمانا نسور بتطير
والأبطال جاهزين والهمة
قوة تنفذ اي مهمة
دقة وحزم وعزم أكيد
جابو الحق لكل شهيد
وجابوا كرامة كل ولادنا
رمز الهيبة والوطنية
عاشت قواتنا الجوية
دول رجاله شديدة قوية
مصر بلدنا بخير وياكم
عاشت قواتنا الجوية
ليهم بنقدم تعظيم
قوة عظيمة ومجد عظيم
والبطولات بتقول مين هيه
عاشت قواتنا الجوية
#سيد_البالوي
أغنية حماة الأوطان
تاج العزة وهيبة مصر
نسور جوية ملوك النصر
فخرنا بيهم أعظم فخر
بنهني حماة الأوطان
صوت طيرانهم عزف كمان
مين ينافسهم فى الازمان
دهبك مصر دا كان أقطان
و اليوم أسمه سلاح طيران
سيف الحق على الأعداء
والابطال طيبة وأخلاق
بس القلب إن جاله نداء
بيلبي نداء الأوطان
عالإرهاب خلوها سواد
والخاينين اشلاء أجساد
وفى أكتوبر عيد أمجاد
بيخلد أبطال شجعان
هزموا اليأس وهزموا الغدر
عزموا بقلب مليه الصبر
ورغم فوارق القدرات
طيرانا المصري الكسبان
بنهني حماة الأوطان
صوت طيرانهم عزف كمان
#سيد_البالوي
أغنية نسور الجوية
حيوهم وبألف تحية
أبطالنا نسور الجوية
دكوا حصون الأعادي
أبطال من جند بلادي
ليهم حبي وفؤادي
فخر الأمة العربية
حيوهم وبألف تحية
أبطالنا نسور الجوية
من معركة المنصورة
شوفوا يا عالم دي الصورة
جابوا النصر الأسطورة
بسلاح جوي وأيد مصرية
حيوهم وبألف تحية
أبطالنا نسور الجوية
على أرضي وفى كل مكان
الجوية حصن أمان
و ف طلعاتهم نار بركان
تنسف ما تخلي أعديا
حيوهم وبألف تحية
أبطالنا نسور الجوية
مهما تكون الطيارات
أبطالنا كفائة ومهارات
أبطال عاشقين البطولات
من عشق الدولة المصرية
حيوهم وبألف تحية
أبطالنا نسور الجوية
#سيد_البالوي
