كتبت سمسمه سعد
المقادير
كيلو دقيق
ربع كوب زيت
معلقه كبيره خميره
معلقه كبيره سكر
معلقه صغيره بيكنج بودر
ذره ملح
كوب زبادى ولو مش متاح ممكن حليب دافئ
ماء دافئ للعجن
الطريقه
نضع المكونات الجافه ونخلطها وننزل بالزيت والزبادى وننزل بالماء الدافئ شويه بشويه لحد ما تكون عجينه مش بتلزق فى الايد ونسيبها حتى تتضاعف حجمها
نفردها على شكل مستطيل ونفرد عليها صلصه البيتزا ملحوظه مهمه جدا
الصلصه تكون مفيهاش اى سوائل خالص خالص خالص لان لو فيها سوايل هتبوش العجين ومش هتبقى حلوه خالص مهم جدا
ثم الحشو المفضل انا وضعت شاورما دجاج وفلفل الوان وزيتون وجبنه موتزريلا
وتلفى رول وتقطعيها وترصيه على صاج وتسبيه يخمر تانى وتكونى مولعه الفرن قبلها على الأقل بعشر دقايق وعلى حراره عاليه يدوب ياخد لون دهبى من تحت ولعى الشوايه الوش ياخد لون
الف هنا
رئيس قسم المطبخ أ سمسمه سعد
واسماء عزازي