بيتزا مقدمة من الشيف آيةالله طارق

كتبت نهي مرسي حمامة
المقادير :
٤ كوب دقيق
½ كوب زيت
ملعقة ونص كبيرة خميرة فورية او كيس
ملعقة صغيرة مليانه سكر
٣ ملاعق كبيرة لبن بودرة لو متوفر
رشة ملح
ماء دافئ للعجن
صلصة وملعقتين كاتشب (ملعقتين زيت – ½ ملعقة صغيرة توم بودر – ½ ملعقة صغيرة بصل بودر – ½ ملعقة صغيرة زعتر – رشة فلفل اسود )
زيتون حلقات
فلفل أخضر متقطع صغير او فلفل كوبى حلقات
طماطم متقطعه صغير
جبنه رومى مبشورة
جبنه موتزريلا
سدق او بسطرمة او لحمه معصجة او تونة او ميكس جبن او فراخ او مشروم او سى فود
الطريقه :
قبل اى حاجه هنختير الخميرة ف ¼كوب ماء هنضع الخميرة والسكر ونتركهم ٥ دقايق لو الخميرة تضاعفت حجمها كما بالصور ستبقى سليمه ولو لا ستصبح غير صالحه العجين لازم الاختبار ده قبل اى مخبوزات
ف بولة هنضع الدقيق عليه رشة الملح واللبن البودر لو متوفر ونمزجهم هنضيف عليهم الخميرة والزيت ونزود ماء بالتدريج لحين العجينه ماتلم معاكى هتحتاج من كوب لكوب وربع حسب نوع الدقيق
اهم خطوة خطوة العجين نعجن جيداا مدة لا تقل عن ١٠ دقايق علشان تاخدى نتيجه كويسه المهم تكون عجينه طريه ولينه ف نفس الوقت مش بتلزق ولو لقيتها بتلزق اوى زودى معلقة دقيق ولو ناشفه زودى معلقة مية هنغطيها بكيس بلاستيك وفوطه ونشغل الفرن ٥ دقايق ونطفيه ونحط العجين جوه لمدة ساعه او لحد ما يخمر ويتضاعف حجمه كما موضح بالصور الكميه دى هتعمل ٣ صوانى مقاس ٢٨ هنقسمهم ٣ كور ونغطيهم ونتركهم ١٠ دقايق
هنفرد العجينه ونفرد عليها الصلصلة وبعد كدة الفلفل والزيتون وباقى التوبينج واخر حاجه الجبنة بس الجبنه الموتزريلا هنحطها بعد ما تدخل الفرن وقبل ماتستوى ب ٥ دقايق هتدخل فرن ع درجه حرارة عالية مش بتاخد وقت ف الفرن وبالهنا والشفا واوعدكم ببيتزا لا تقاوم 🖒🖒🍕🍕🍕
طريقه عمل الصلصة : ع النار هنحط ملعقتين زيت وعليها الصلصلة والبهارات والكاتشب و٣ ملاعق مية ونقلبهم ونطفى عليهم ونسيبها تبرد وبس خلاص 🍅🍅