بيتيفور ناعم مقدم من إسلام عصفور

مده التحضير 10دقايق
مده الطهى 10دقايق
المكونات
كوب زبده بحرارة الغرفه
نصف كوب سكر بودره
2 صفار بيض
ملعقه صغيره فانيليا
2 ملعقه حليب
2 ملعقه كبيره كاكاو خام
2 كوب دقيق
رشه ملح
التزين
مربى
نوتيلا
جوز الهند
مكسرات
الطريقه
نضرب الزبده بالمضرب الكهربائى لما يبقى لونها أبيض نضيف السكر ونضرب لما يختلطو ويبقى لونهم أبيض أكتر نضيف صفار البيض والفانيليا ونضرب كويس لما البيض يختفى ونفصل المضرب ونضيف الدقيق ونلف العجينه بإيدينا لما تلم معانا ونقسم العجينه ونضيف على نص منهم الكاكاو ونقلب جيدا ونسيب العجينه ترتاح 10دقائق ونبتدى نشكلها بكيس الحلوانى بيدى شكل جميل جدا للبيتيفور
نشكل فى صينيه تيفال أو صينيه عاديه مفروشه ورقه زبده
وممكن نشكل بماكينه البيتيفور برضو وندخلها الفرن على الشبكه فى النصف على 180 بياخد حوالى 10 دقائق لما القعر يبقى لونه دهبى يبقى كده تمام ولما يبرد نضع مربى أو نوتيلا ونلزق كل إتنين مع بعض ونغلف من الجوانب بجوز الهند أو فسدق مطحون أو شكولاته أو مكسرات
رئيس قسم المطبخ أ / جيهان جعفر