تارت الكنافه بالمانجا

🍯🍒 تارت كنافه بالمانجا 🍒🍯
مقدم من الشيف المتميزةSamah Mohmed
وقت التحضير 15دقيقه
وقت الطهي 10دقائق
لقيت عندي ربع كيلو مانجا في الفريزر والمانجا منوره في السوق جه علي بالي اعمل تارت سريع كده بيهم يلا بينا 😉
نجيب الكنافه وهي مجمده كده ونفرفتهاومعلقتين سمنه كبار اوي نسيحهم ونلف بيهم الكنافه وندخلها الفرن تاخد اللون الدهبي الجميل ده ونبقي نطلعها نقلبها علشان تبقي كلها لون واحد كده زي بعضها
يكون مجهزين شوية شربات ( كوباية سكر علي نص كوباية مايه وعصرة ليمونه ورشة فانيليا )
نطلع الكنافه نسقيها شربات ونفردها في صينيه ونضغط عليها ونعملها جدار كده
نيجي بقي للحشو :
كوباية كريمة خفق ونضربها لغاية ماتمسك
كوباية كريم باتسيير ونضربه بلبن ساقع لغاية مايمسك
ونخلط الاتنين سوا بمعلقه
نفردها علي الكنافه
نكون مقطعين مانجا مكعبات ونفردها علي الكريمه
وندهنها جل تلميع بفرشه ( او مربي متخففه بمعلقة مايه سخنه )
وبالف هنا 😍🍯

قد يعجبك ايضآ
اترك رد

لن يتم نشر عنوان بريدك الإلكتروني.