تامر فرج يحتفل بعيد ميلاده بهذه الطريقة
تامر فرج يحتفل بعيد ميلاده بهذه الطريقة.
كتبت: مريم عوض
احتفل الفنان تامر فرج من خلال حسابه الرسمي عبر موقع التواصل الاجتماعي فيسبوك، ووجه رسالة شكر قائلاً:”اشكر كل من هنأني بعيد ميلادى بس ليا عندكم طلب، خصوصًا من أصدقائي القدامى.
وتابع: أنا رجل ماليش فى الخروج وبستمتع بجلوسي فى بيتى بين أسرتي وحيواناتى، وبكون يا اما فى البيت يا اما بصور، فمن فضلكم تعالوا زورونى، وبقدم لكم دعوه مفتوحه في اى وقت رجلكم تجيبكم اكتوبر اتصلوا بيا ولو موجود عدوا عليا نشوف بعض، وانا مابعملش ترتيبات لما حد يزورنى، والحمدلله ربنا رزقنى بزوجه مضيافه وحبوبه وبتفرح بأصدقائى، فمفيش ازعاج ولا تعب…
وأضاف :تعالوا نشوف بعض يا جماعه بدل الرسايل لأن الملعونه السوشال ميديا بتخدعنا وبتحسسنا اننا قريبين من بعض فى حين اننا بكده بنبعد عن بعض قوى لما بنكتفى بمقابلة بعض فى عالم افتراضى، احنا محتاجين نشوف بعض ونتفاعل مع بعض
وأختتم: صدقونى احساس صعب قوى لما تأجل مقابلة صديقك و تقابله بعد كده وانت بتغسله او وانت شايله فى صندوق، تعالوا نلحق بعض قبل ما نتخطف من بعض.
المزيد من المشاركات
