تجميد الملوخية الخضراء مقدمة من الشيف هناء فهمي

كمية ملوخية
1 ملعقة كبيرة بيكربونات الصوديوم { الكربوناتة }
الطريقة
1 ــ طريقة حفظ الملوخية من السنة للسنة هنغسل الملوخية كويس اوووي ونصفيها من ماء الغسيل ونقطفها ونأخذ جزء من العود واحنا بنقطفها
2 ــ يوضع علي النار حلة بيها ماء وملعقة بيكربونات الصوديوم { الكربوناتة } وبعد ماتغلي الماء ننزل الملوخية فيها لمدة ثواني
3 ــ نصفي الملوخية من الماء ونشيل شوية ماء السلق علي جنب وتوضع الملوخية تحت الحنفية لغاية ماتبرد خالص
4 ــ ثم نضربها في الكبة ناعم او خشن علي حسب ماتحبي لو كانت ناشفة شوية من الماء زودي شوية من الماء السلق بس شوية صغيرين خالص
5 ــ لو عايزة تستعملي المخرطة مافيش مشكلة بس انا استخدمت الكبة اسرع واحسن
6 ــ ثم يوضع علي الملوخية ذرة بيكربونات ثم توضع في أكياس الحفظ ونفرديها زي الصورة ونضغط علي الكيس خرجي الهواء منها ونقفل الكيس ويدخل الفريزر
7 ــ طريقة عمل الملوخية
نطلع كيس الملوخية قبل الاستخدام يسيح خالص
ثم توضع الملوخية في حلة وتوضع عليها الشوربة وملعقة سمنة ثم توضع علي نار هادية حتي تسخن تماما يعني تبتدي تبقبق
نكون محضرين شوربة بتغلي ونضعها علي الملوخية بس شوية صغيرة ونقلب بسرعة ولازم الملوخية تكون ثقيلة ماتكنش خفيفة وصايصة ونحمر الثوم بالسمن وتوضع علي الملوخية اوعي تغطي الملوخية
هقولكم علي تكة نحط شوية سكر علي الملوخية مع الملح
مدة صلاحيتها سنة في الفريزر بشرط عدم فك التجميد وتفرزها مرة ثانية
انجح طريقة لحفظ الملوخية وتجمدها
رئيس قسم المطبخ أ / جيهان جعفر